ന്യൂദല്‍ഹി: പൗരത്വ നിയമത്തിനെതിരെ 50 ദിവസത്തിലേറെയായി പ്രതിഷേധം നടക്കുന്ന ഷാഹീന്‍ബാഗിലേക്ക് ഐക്യദാര്‍ഢ്യവുമായി ഇടത് എം.പിമാര്‍. സി.പി.ഐ.എം എം.പിമാരായ കെ.കെ രാഗേഷും കെ. സോമപ്രസാദുമാണ് ഷാഹീന്‍ബാഗിലെത്തി പ്രതിഷേധക്കാര്‍ക്ക് പിന്തുണ പ്രഖ്യാപിച്ചത്.
ഹിന്ദുരാഷ്ട്രം സിന്ദാബാദ് എന്നു മുദ്രാവാക്യം വിളിച്ചുകൊണ്ട് പൊലീസ് ബാരിക്കേഡിനു സമീപത്ത് നിന്ന് രണ്ടു റൗണ്ട് വെടിവെക്കുകയായിരുന്നു. ഉത്തര്‍പ്രദേശുകാരനായ കപില്‍ ഗുജ്ജാറാണ് ആക്രമണം നടത്തിയത്.
കഴിഞ്ഞ ദിവസം പൗരത്വ നിയമത്തിനെതിരായി ജാമിഅ മില്ലിയ സര്‍വകലാശാല വിദ്യാര്‍ഥികള്‍ സംഘടിപ്പിച്ച ലോംഗ് മാര്‍ച്ചിന് നേരെയും സമാനമായ രീതിയില്‍ ബജ്റംഗ്ദള്‍ പ്രവര്‍ത്തകനായ അക്രമി വെടിവെച്ചിരുന്നു.
