ഷഹീന്‍ബാഗ് പ്രതിഷേധം; ഉപരോധിച്ച റോഡുകള്‍ തുറന്ന് പ്രതിഷേധക്കാര്‍
ഡൂള്‍ന്യൂസ് ഡെസ്‌ക്
Saturday, 22nd February 2020, 6:46 pm
ന്യൂദല്‍ഹി: പൗരത്വഭേദഗതി നിയമത്തിനെതിരെയുള്ള പ്രതിഷേധത്തെതുടര്‍ന്ന് 70 ദിവസമായി അടച്ചിട്ട ഷാഹീന്‍ബാഗിലെ റോഡുകള്‍ തുറന്നു.
ജാമിയയില്‍ നിന്ന് ഉത്തര്‍പ്രദേശിലെ നോയിഡയിലേക്കും ഹരിയാനയിലെ ഫരീദാബാദിലേക്കും ഉള്ള റോഡാണ് ഷഹീന്‍ ബാഗ് പ്രതിഷേധക്കാര്‍ തുറന്നത്.
പ്രതിഷേധം ആരംഭിച്ചതു മുതല്‍ ഷഹീന്‍ ബാഗില്‍ വിന്യസിച്ചിരിക്കുന്ന ദല്‍ഹി പൊലീസ് ഉദ്യോഗസ്ഥരാണ് നിലവില്‍ റോഡ് ഗതാഗതം നിയന്ത്രിക്കുന്നത്. എന്നാല്‍ റോഡ് തുറക്കുന്നതുമായി ബന്ധപ്പെട്ട് ഷാഹീന്‍ബാഗ് പ്രതിഷേധക്കാര്‍ ദല്‍ഹി പൊലീസുമായി യാതൊരു സംഭാഷണവും നടത്തിയിട്ടില്ല. റോഡ് തുറക്കുന്നതുമായി ബന്ധപ്പെട്ട് തങ്ങള്‍ക്ക് യാതൊരു മുന്നറിയിപ്പും പ്രതിഷേധക്കാര്‍ നല്‍കിയിട്ടില്ലെന്ന് ദല്‍ഹി പൊലീസും പറഞ്ഞു.
