ബോളിവുഡിലെ ഏറ്റവും മികച്ച വിജയ കൂട്ട്‌കെട്ടായ ഷാരൂഖ് ഖാനും സഞ്ജയ് ലീല ബന്‍സാലിയും വീണ്ടും ഒന്നിക്കുന്നു. സഞ്ജയ്‌യുടെ ഏറ്റവും പുതിയ ചിത്രമായ ബജീറോ മസ്താനിയില്‍ ഷാരൂഖ് നായകനാകുമെന്നാണ് പറഞ്ഞ് കേള്‍ക്കുന്നത്.[]
നേരത്തേ അജയ് ദേവഗണ്‍ ചിത്രത്തില്‍ നായകനാകുമെന്നായിരുന്നു വാര്‍ത്തകള്‍ വന്നിരുന്നത്. കത്രീന കൈഫാണ് ചിത്രത്തിലെ നായിക എന്നാണ് അറിയുന്നത്.
ചിത്രത്തിന്റെ തിരക്കഥ സഞ്ജയ് ഷാരൂഖിന് കേള്‍പ്പിച്ചെന്നും എസ്.ആര്‍.കെ സമ്മതം മൂളിയെന്നുമാണ് വാര്‍ത്തകള്‍ വരുന്നത്. എന്നാല്‍ ഇതുവരെ ഷാരൂഖോ സഞ്ജയ് ലീല ബന്‍സാലിയോ വാര്‍ത്തയോട് പ്രതികരിച്ചിട്ടില്ല.
ഷാരൂഖിനെയും ഐശ്വര്യ റായിയേയും കേന്ദ്രകഥാപാത്രങ്ങളാക്കി സഞ്ജയ് എടുത്ത ദേവദാസ് ബോളിവുഡിലെ എക്കാലത്തേയും സൂപ്പര്‍ ഹിറ്റുകളില്‍ ഒന്നാണ്.