കര്‍ണാടക വഖഫ് ബോര്‍ഡ് ചെയര്‍മാന്‍ സ്ഥാനം ഷാഫി സഅദി രാജിവെച്ചു
ഡൂള്‍ന്യൂസ് ഡെസ്‌ക്
Wednesday, 5th July 2023, 11:54 pm
ബെംഗളൂരു: കര്‍ണാടക വഖഫ് ബോര്‍ഡ് ചെയര്‍മാന്‍ മൗലാന എന്‍.കെ. മുഹമ്മദ് ഷാഫി സഅദി രാജിവെച്ചു. ചെയര്‍മാന്‍ സ്ഥാനം ഒന്നര വര്‍ഷം വീതം വെക്കാനുള്ള ധാരണ നേരത്തെയുണ്ടായിരുന്നെന്നും, ഈ കാലപരിധി പൂര്‍ത്തിയായ ഘട്ടത്തിലാണ് രാജിയെന്നുമാണ് റിപ്പോര്‍ട്ടുകള്‍.
കര്‍ണാടക വഖ്ഫ് വകുപ്പിന്റെ ചുമതലയുള്ള മന്ത്രി സമീര്‍ അഹ്മദ് ഖാന് അദ്ദേഹം രാജിക്കത്ത് സമര്‍പ്പിച്ചു. പുതിയ ചെയര്‍മാനെ തെരഞ്ഞെടുക്കുന്നത് വരെ ഷാഫി സഅദിയോട് തുടരാന്‍ മന്ത്രി നിര്‍ദേശിച്ചുവെന്നും റിപ്പോര്‍ട്ടുകള്‍ പറയുന്നു.
