ക്രിക്കറ്റിലെ മെസിയും റൊണാള്‍ഡോയുമെല്ലാം അവന്‍ തന്നെയാണ്; പാക് താരത്തെ പുകഴ്ത്തി സഹതാരം
സ്പോര്‍ട്സ് ഡെസ്‌ക്
Sunday, 21st August 2022, 9:43 am
ക്രിക്കറ്റിലെ നിലവിലെ ഏറ്റവും മികച്ച ബാറ്റര്‍മാരില്‍ ഒരാളാണ് ബാബര്‍ അസം. ടെസ്റ്റിലും ഏകദിനത്തിലും ട്വന്റി-20യിലും ആദ്യ അഞ്ച് റാങ്കിങ്ങിലുള്ള അദ്ദേഹം സെഞ്ച്വറികളും അര്‍ധസെഞ്ച്വറികളുമായി ക്രിക്കറ്റ് ലോകത്ത് വാഴുകയാണ്.
ഒരു കാലത്ത് ഇന്ത്യന്‍ ടീമിന് വിരാട് കോഹ്‌ലി എന്തായിരുന്നുവോ അതാണ് പാകിസ്ഥാന്‍ ക്രിക്കറ്റിന് ബാബര്‍ അസം. ലെജന്‍ഡറി ക്രിക്കറ്റര്‍മാരുടെ വിരമിക്കലിന് ശേഷം തകര്‍ന്നേക്കാവുന്ന പാകിസ്ഥാന്‍ ടീമിനെ കൈപിടിച്ചുയര്‍ത്തിയത് ബാബറായിരുന്നു.
ഇപ്പോഴിതാ അദ്ദേഹത്തെ മെസിയോടും റൊണാള്‍ഡോയോടും താരതമ്യപ്പെടുത്തിയിരിക്കുകയാണ് പാകിസ്ഥാന്റെ ഓള്‍റൗണ്ടര്‍ ഷദാബ് ഖാന്‍. ഷദാബ് അടുത്തിടെ നെതര്‍ലാന്‍ഡിലെ അജാക്‌സ് ഫുട്‌ബോള്‍ ക്ലബ് സന്ദര്‍ശിച്ചിരുന്നു.
