ധനമന്ത്രി പ്രഖ്യാപിച്ച വിദേശ സര്‍വകലാശാലയില്‍ ആശങ്ക; എതിര്‍പ്പുമായി എസ്.എഫ്.ഐ
ഡൂള്‍ന്യൂസ് ഡെസ്‌ക്
Tuesday, 6th February 2024, 3:38 pm
കോഴിക്കോട്: ധനമന്ത്രി കെ.എന്‍. ബാലഗോപാല്‍ സഭയില്‍ അവതരിപ്പിച്ച ബജറ്റിലെ വിദേശ സര്‍വകലാശാല പ്രഖ്യാപനത്തില്‍ എതിര്‍പ്പുമായി എസ്.എഫ്.ഐ. ഈ പ്രഖ്യാപനത്തില്‍ വലിയ ആശങ്കകളുണ്ടെന്നും ഇത് സര്‍ക്കാരിനെ അറിയിക്കുമെന്നും എസ്.എഫ്.ഐ സംസ്ഥാന അധ്യക്ഷ കെ. അനുശ്രീ പറഞ്ഞു.
പ്രൊഫസര്‍ ഷീജ ആണ്ടവന്റെ ഗോഡ്‌സെ അനുകൂല പരാമര്‍ശത്തില്‍ കോഴിക്കോട് എന്‍.ഐ.ടിയിലേക്ക് നടത്തിയ വിദ്യാര്‍ത്ഥി മാര്‍ച്ച് ഉദ്ഘാടനം ചെയ്ത് സംസാരിക്കുകയായിരുന്നു കെ. അനുശ്രീ.
സ്വകാര്യ സര്‍വകലാശാലകള്‍ സര്‍ക്കാര്‍ നിയന്ത്രണത്തിലായിരിക്കണം. ഇവിടെ വിദ്യാര്‍ത്ഥികള്‍ക്ക് യാതൊരു തരത്തിലുള്ള വിവേചനവും ഉണ്ടാകാന്‍ പാടില്ല. ഇക്കാര്യങ്ങള്‍ സര്‍ക്കാരുമായി ചര്‍ച്ച ചെയ്യുമെന്നും അനുശ്രീ പറഞ്ഞു.
