കോഴിക്കോട്: കാലിക്കറ്റ് യൂണിവേഴ്‌സിറ്റിക്ക് കീഴിലുള്ള കോളേജുകളില്‍ മികച്ച വിജയം നേടി എസ്.എഫ്.ഐ യൂണിവേഴ്‌സിറ്റിക്ക് കീഴിലുള്ള ഭൂരിപക്ഷം കോളേജുകളിലും ഇടതുപക്ഷ വിദ്യാര്‍ത്ഥി സംഘടന വിജയമാവര്‍ത്തിച്ചു.
കോഴിക്കോടെ പ്രധാന കോളേജുകളായ ഗുരുവായൂരപ്പന്‍ കോളേജ്, മലബാര്‍ ക്രിസ്റ്റ്യന്‍ കോളേജ്, മീഞ്ചന്ത ആര്‍ട്‌സ് കോളേജ്, എസ്.എന്‍ കോളേജ് ചേളന്നൂര്‍ എന്നിവിടങ്ങളില്‍ എസ്.എഫ്.ഐ വിജയം നേടി. തൃശ്ശൂര്‍ കേരള വര്‍മ കോളേജിലും, കോടഞ്ചേരി കോളേജിലും എസ്.എഫ്.ഐ വിജയമാവര്‍ത്തിച്ചു.
ALSO READ: ദുരിതങ്ങള്‍ അവസാനിച്ചിട്ടില്ല, അത്തരം ചര്‍ച്ചകള്‍ സൃഷ്ടിക്കരുത്
മലപ്പുറം ഗവണ്‍മെന്റ് വനിതാ കോളേജും ചരിത്രത്തില്‍ ആദ്യമായി എസ്.എഫ്.ഐ വിജയം നേടി.
കൊണ്ടോട്ടി ഐ.എച്.ആര്‍.ഡി, നെന്മാറ എന്‍.എസ്.എസ് കോളേജ്, തിരൂര്‍ക്കാട് നസ്‌റ, പുത്തനത്താണി സി.പി.എ കോളേജ് എന്നിവടങ്ങളിലും എസ്.എഫ്.ഐക്കാണ് വിജയം. മലപ്പുറത്തെ എം.എസ്.എഫ് ആധിപത്യമുള്ള കോളേജുകളില്‍ വിജയം നേടാന്‍ സാധിച്ചത് പ്രതീക്ഷ പകരുന്നതായി നേതാക്കള്‍ പറഞ്ഞു.
ALSO READ: യൂത്ത് കോണ്‍ഗ്രസ് നേതാവ് ഷുഹൈബ് വധക്കേസില്‍ രണ്ട് പ്രതികള്‍ കൂടി പിടിയില്‍
അതേസമയം എസ്.എഫ്.ഐയുടെ കൈവശം ഉണ്ടായിരുന്ന കോഴിക്കോട് ദേവഗിരി കോളേജില്‍ വീണ്ടും കെ.എസ്.യു വിജയിച്ചു. ഫറൂഖ് കോളേജില്‍ എം.എസ്.എഫിനാണ് വിജയം. മുഴുവന്‍ പാനലിലും സ്ത്രീകള്‍ മത്സരിച്ച പാലക്കാട് വിക്ടോറിയയില്‍ ചെയര്‍പേഴ്‌സണ്‍ സീറ്റിലും എസ്.എഫ്.ഐ തോല്‍വിയറിഞ്ഞു.