എല്‍ദോസ് കുന്നപ്പള്ളി പീഡിപ്പിച്ചു, തെളിവുകള്‍ കയ്യിലുണ്ട്; മജിസ്‌ട്രേറ്റിന് മുന്നില്‍ മൊഴി നല്‍കി പരാതിക്കാരി
ഡൂള്‍ന്യൂസ് ഡെസ്‌ക്
Tuesday, 11th October 2022, 10:28 am
തിരുവന്തപുരം: കോണ്‍ഗ്രസ് എം.എല്‍.എ എന്‍ദോസ് കുന്നപ്പള്ളി പീഡിപ്പിച്ചെന്ന പരാതിയുമായി അധ്യാപിക. ഇത് സംബന്ധിച്ച് ഇവര്‍ മജിസ്‌ട്രേറ്റിന് മുമ്പില്‍ മൊഴി നല്‍കിയതായാണ് റിപ്പോര്‍ട്ട്. പല സ്ഥലങ്ങളില്‍ കൊണ്ടുപോയി തന്നെ പീഡിപ്പിച്ചതിന് തെളിവുണ്ടെന്നും യുവതി പറയുന്നു.
കോവളം പൊലീസില്‍ ഇന്ന് മൊഴി നല്‍കുമെന്നും ഇവര്‍ കോടതിയെ അറിയിച്ചു. കാറില്‍ വെച്ച് തന്നെ കയ്യേറ്റം ചെയ്ത സംഭവത്തില്‍ താന്‍ പരാതി നല്‍കിയതോടെ ഒത്തുതീര്‍ക്കാന്‍ സമ്മര്‍ദ്ദം ഉണ്ടായെന്നും പണം വാഗ്ദാനം ചെയ്‌തെന്നും യുവതി പറഞ്ഞു. കാറിനുള്ളില്‍ വെച്ചാണ് കയ്യേറ്റം ചെയ്തതെന്നും ഇവര്‍ വ്യക്തമാക്കി.
