പാക് ക്യാപ്റ്റന്‍ ബാബര്‍ അസമിനെതിരെ ലൈംഗികാരോപണവുമായി യുവതി
ഡൂള്‍ന്യൂസ് ഡെസ്‌ക്
Sunday, 29th November 2020, 6:53 pm
ഇസ്‌ലാമാബാദ്: പാക് ക്രിക്കറ്റ് ടീം ക്യാപ്റ്റന്‍ ബാബര്‍ അസമിനെതിരെ ലൈംഗികാരോപണവുമായി യുവതി. വിവാഹ വാഗ്ദാനം നല്‍കി പത്ത് വര്‍ഷത്തോളമായി അസം തന്നെ പീഡിപ്പിക്കുകയായിരുന്നുവെന്നാണ് യുവതിയുടെ പരാതി. പ്രത്യേകം വിളിച്ചുചേര്‍ത്ത വാര്‍ത്താസമ്മേളനത്തിലാണ് അസമിനെതിരെ ഗുരുതരാരോപണവുമായി യുവതി രംഗത്തെത്തിയത്.
സ്‌കൂള്‍ കാലം മുതല്‍ അസമിനെ പരിചയമുണ്ട്. തന്റെ സഹപാഠിയായിരുന്നു അസം.പിന്നീട് പ്രണയത്തിലാകുകയായിരുന്നു. കഴിഞ്ഞ 10 വര്‍ഷത്തോളമായി വിവാഹ വാഗ്ദാനം നല്‍കി അസം ലൈംഗികമായി പീഡിപ്പിച്ചു. എന്നെ ഗര്‍ഭിണിയാക്കി. ഭീഷണിപ്പെടുത്തി അയാളുടെ ആവശ്യങ്ങള്‍ക്കായി ഉപയോഗിച്ചു. ക്രിക്കറ്റിലെ സൂപ്പര്‍താരമായി വളര്‍ന്നതോടെ അസം ആകെ മാറി. ഇപ്പോള്‍ തന്നെ വിവാഹം കഴിക്കാന്‍ പറ്റില്ലെന്നാണ് അസം പറയുന്നത്, യുവതി മാധ്യമങ്ങളോട് പറഞ്ഞു
