ന്യൂദല്‍ഹി: ലഡാക്കില്‍ ഷിയോക് നദിയിലേക്ക് വാഹനം മറിഞ്ഞ് ഏഴ് സൈനികര്‍ മരിച്ചു. മരിച്ചവരില്‍ ഒരാള്‍ മലപ്പുറം പരപ്പനങ്ങാടി സ്വദേശിയാണ്. അപകടത്തില്‍ 19 പേര്‍ക്ക് പരിക്കേറ്റു എന്നാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്.
മരിച്ചവരില്‍ ഒരാള്‍ മലപ്പുറം പരപ്പനങ്ങാടി സ്വദേശിയാണ്. കെ.പി.എച്ച് റോഡ് നുള്ളക്കുളം സ്വദേശി തച്ചോളി കോയക്കുട്ടിയുടെ മകന്‍ മുഹമ്മദ് ഷൈജല്‍ (41)ആണ് മരിച്ചത്
വെള്ളിയാഴ്ച രാവിലെ ഒമ്പതിനാണ് സംഭവം. 26 സൈനികരാണു വാഹനത്തിലുണ്ടായിരുന്നത്. ഇതില്‍ ചിലര്‍ക്ക് ഗുരുതര പരുക്കേറ്റിട്ടുണ്ട്.
ഇന്ത്യ- ചൈന അതിര്‍ത്തിയിലെ തുര്‍തുക് സെക്ടറിലേക്കു പോകും വഴി ഇവര്‍ സഞ്ചരിച്ച വാഹനം നിയന്ത്രണം വിട്ട് ഷിയോക് നദിയിലേക്കു വീഴുകയായിരുന്നു.
’26 സൈനികരടങ്ങുന്ന ഒരു സംഘം പര്‍താപൂരിലെ ട്രാന്‍സിറ്റ് ക്യാമ്പില്‍ നിന്ന് സബ് സെക്ടര്‍ ഹനീഫിലെ ഒരു ഫോര്‍വേഡ് ലൊക്കേഷനിലേക്ക് പോകുകയായിരുന്നു. വാഹനം റോഡില്‍ നിന്ന് തെന്നി ഷിയോക് നദിയില്‍ വീണു, യാത്രക്കാര്‍ക്ക് എല്ലാവര്‍ക്കും പരിക്കേറ്റു,’ ഇന്ത്യന്‍ സൈന്യം പുറത്തിറക്കിയ പ്രസ്താവനയില്‍ വ്യക്തമാക്കി.
Content Highlights: Seven soldiers killed after army vehicle falls into Shyok river in Ladakh