‘ഈ ടൂര്‍ണമെന്റ് ബാഴ്സലോണ റയല്‍ മാഡ്രിഡിനോ വിജയിക്കാന്‍ വേണ്ടി മാത്രം രൂപകല്പന ചെയ്തിട്ടുള്ള ഒന്നാണ്. ഇതു വളരെ വ്യക്തമായിട്ടുള്ള ഒരു കാര്യമാണ്. കാരണം ഈ രണ്ടു ടീമുകളാണ് ഏറ്റവും കൂടുതല്‍ പണം ഉണ്ടാക്കുന്നത് അതുകൊണ്ടുതന്നെ അവര്‍ക്ക് ഈ കിരീടം നല്‍കുന്നു. ഫുട്‌ബോള്‍ കാണുന്ന ആരും ഇതിനെ എതിര്‍ക്കില്ല,’ മത്സരശേഷം സെര്‍ജിയോ ഹെരേര മാധ്യമങ്ങളോട് പറഞ്ഞു.
Sergio Herrera (Osasuna goalkeeper): “The Super Cup is made for Madrid and Barça to play.” pic.twitter.com/gQUYQt5Mo4
Osasuna goalkeeper “Sergio Herrera” after the match 👀
🗣 “This competition (Supercup) is clearly designed for Barça or Madrid to win. It’s obvious, they are the teams that generate the most money. Whoever disagrees does not watch football.”
അതേസമയം അല്‍ അവാല്‍ സ്റ്റേഡിയത്തില്‍ നടന്ന മത്സരത്തില്‍ 4-3-3 എന്ന ഫോര്‍മേഷനിലാണ് ബാഴ്സലോണ കളത്തില്‍ ഇറങ്ങിയത്. അതേസമയം മറുഭാഗത്ത് 5-3-2 എന്ന ശൈലിയും ആയിരുന്നു ഒസാസുന പിന്തുടര്‍ന്നത്.
മത്സരത്തിന്റെ ആദ്യപകുതിയില്‍ ഇരുടീമുകള്‍ക്കും ഗോള്‍ നേടാന്‍ സാധിച്ചിരുന്നില്ല. രണ്ടാം പകുതിയില്‍ 59ാം മിനിട്ടില്‍ പോളിഷ് സൂപ്പര്‍താരം റോബര്‍ട്ട് ലെവന്‍ഡോസ്‌ക്കിയിലൂടെ ബാഴ്‌സലോണയാണ് ആദ്യം മുന്നിലെത്തിയത്. ഗോള്‍ തിരിച്ചടിക്കാന്‍ ഒസാസുന മികച്ച നീക്കങ്ങള്‍ നടത്തിയെങ്കിലും കറ്റാലന്‍ ഡിഫന്‍സ് മറികടക്കാന്‍ സാധിച്ചില്ല.
ഒടുവില്‍ മത്സരത്തിന്റെ ഇഞ്ചുറി ടൈമില്‍ ലാമിനെ യമാല്‍ ബാഴ്‌സലോണയുടെ ലീഡ് രണ്ടാക്കി മാറ്റി. ഇതിന് പിന്നാലെ ഒരു ചരിത്രനേട്ടവും സ്പാനിഷ് യുവതാരത്തെ തേടിയെത്തി. സൂപ്പര്‍ കോപ്പയുടെ ചരിത്രത്തില്‍ ഗോള്‍ നേടുന്ന ഏറ്റവും പ്രായം കുറഞ്ഞ താരമെന്ന നേട്ടമാണ് ലാമിനെ യമാല്‍ സ്വന്തമാക്കിയത്.
