ഇന്ത്യയില്‍ വീണ്ടും കൊറോണ സ്ഥിരീകരിച്ചതിന് പിന്നാലെ തകര്‍ന്നടിഞ്ഞ് ഓഹരി വിപണി
ഡൂള്‍ന്യൂസ് ഡെസ്‌ക്
Monday, 2nd March 2020, 6:36 pm
മുംബൈ: ഇന്ത്യയില്‍ രണ്ട് പേര്‍ക്കുകൂടി കൊറോണ സ്ഥിരീകരിച്ചതിന് പിന്നാലെ തകര്‍ന്നടിഞ്ഞ് ഓഹരി വിപണി. നിഫ്റ്റി 11,150 ലെവലിനും താഴ്ന്ന് റെഡ് മാര്‍ക്കിലേക്ക് നീങ്ങി. ദല്‍ഹിയിലും തെലുങ്കാനയിലുമാണ് പുതുതായി ഇന്ത്യയില്‍ കൊറോണ സ്ഥിരീകരിച്ചത്. കേന്ദ്ര ആരോഗ്യ മന്ത്രാലയമാണ് ഇക്കാര്യം ഔദ്യോഗികമായി അറിയി
ച്ചത്.
സെന്‍സെക്‌സ് 153.27 പോയിന്റ് താഴ്ന്നു. മികച്ച പ്രതീക്ഷയോടെയായിരുന്നു ദിവസത്തിന്റെ തുടക്കമെങ്കിലും പിന്നീട് നിലംപതിക്കുകയായിരുന്നു.
കൊറോണ വൈറസ് ആഗോളതലത്തില്‍ നിക്ഷേപകരെ പ്രതിസന്ധിയിലാഴ്ത്തിക്കൊണ്ടിരിക്കുകയാണ്. യൂറോപ്യന്‍ വിപണിയിലും കഴിഞ്ഞ ദിവസം ഇടിവ് നേരിട്ടിരുന്നു. ലണ്ടന്‍, പാരിസ്, ഇറ്റലി വിപണികളില്‍ 2.1 ശതമാനം തകര്‍ച്ചയുണ്ടായെന്നാണ് റിപ്പോര്‍ട്ട്.
