'പിളര്‍ത്താന്‍ ശ്രമിക്കുന്തോറും ഈ സഖ്യം ശക്തമാവും'; ശിവസേന-എന്‍.സി.പി-കോണ്‍ഗ്രസ് സഖ്യം രാജ്യത്തിന് മുന്നില്‍ ശക്തി തെളിയിക്കണമെന്ന് ഉദ്ധവ് താക്കറെ
ഡൂള്‍ന്യൂസ് ഡെസ്‌ക്
Monday, 25th November 2019, 8:28 pm
മുംബൈ: ശിവസേന-എന്‍.സി.പി-കോണ്‍ഗ്രസ് സഖ്യം മഹാരാഷ്ട്രയില്‍ മാത്രം ശക്തി തെളിയിച്ചാല്‍ പോര, മറിച്ച് രാജ്യത്തൊട്ടാകെ ഇതിന്റെ അലയൊലികള്‍ ഉയരണമെന്ന് ശിവസേനാ നേതാവ് ഉദ്ധവ് താക്കറെ. മുംബൈയിലെ ഗ്രാന്റ് ഹയാട്ടില്‍ എം.എല്‍.എമാരെ അണിനിരത്തിയ പരിപാടിയില്‍ സംസാരിക്കുകയായിരുന്നു അദ്ദേഹം.
‘ഈ ചിത്രം കണ്ടിട്ടും അത് ജനങ്ങളുടെ മനസിനെ ശക്തിപ്പെടുത്തുന്നില്ലെങ്കില്‍ നമ്മള്‍ കൂടുതല്‍ പ്രകാശം പരത്തേണ്ടതുണ്ട്. ഞങ്ങള്‍ പറയുന്നത് ഞാന്‍ തിരിച്ചു വരും എന്നല്ല മറിച്ച് ഞാന്‍ പറയുകയാണ് ഞങ്ങള്‍ തിരിച്ചുവരും’, താക്കറെ പറഞ്ഞു.
