ഇന്തോനേഷ്യ: മഴവില്‍ അഴകില്‍ ഒരു ഗ്രാമം. ചുമ്മാ ഭംഗി വാക്കായി പറഞ്ഞതല്ല. ഇവിടെ എല്ലാ വീടുകള്‍ക്കും നിറം മഴവില്ലിന്റേതാണ്. ഇന്‍ഡോനേഷ്യയിലെ കംപൂങ് പെലാംഗി ഗ്രാമത്തിലാണ് നിറഭേദംകൊണ്ട് സുന്ദരമായ ഈ കാഴ്ച. റെയിന്‍ബോ ഗ്രാമം എന്ന പേരിലാണ് ഈ ഗ്രാമമിപ്പോള്‍ അറിയപ്പെടുന്നതു പോലും.
വിനോദസഞ്ചാരികളെ ആകര്‍ഷിക്കാനുള്ള ശ്രമത്തിന്റെ ഭാഗമായിട്ടാണ് ഈ വേറിട്ട പരീക്ഷണം നടത്തിയത്. ഇതിനായി ഗ്രാമത്തിലെ സിറ്റി കൗണ്‍സില്‍ 30 കോടി ഇന്‍ഡോനേഷ്യന്‍ രൂപയാണ്(ഏകദേശം 14 ലക്ഷം ഇന്ത്യ രൂപ) അനുവദിച്ചത്. ഒറ്റമാസം കൊണ്ടാണ് ഗ്രാമത്തിലെ എല്ലാ കെട്ടിടങ്ങളും ഒരേ നിറകാഴ്ചയിലേക്ക് മാറിയത്.
Also Read: വട കഴിച്ചതിന്റെ പേരില്‍ തര്‍ക്കം; ഹോട്ടലുടമയെ കുത്തിക്കൊന്നു
ഹൈസ്‌കൂള്‍ പ്രിന്‍സിപ്പലായ സ്ലാമെറ്റ് വിഡോഡോയുടെ ബുദ്ധിയില്‍ ഉദിച്ചതാണ് ഈ ആശയം. ഏകദേശം 232 വീടുകള്‍ക്കാണ് പെയിന്റടിച്ചത്. ഓരോ വീടിനും കുറഞ്ഞത് മൂന്നുനിറം വീതം ഉപയോഗിച്ചിട്ടുണ്ട്. വീടുകള്‍, മതിലുകള്‍, മേല്‍ക്കൂരകള്‍, പാലങ്ങള്‍, പടികള്‍ എന്നിങ്ങനെ എല്ലാത്തിനും നിറം നല്‍കിയിരിക്കുകയാണ്. സംഭവം സോഷ്യല്‍മീഡിയയില്‍ വൈറലായതോടെ ടൂറിസ്റ്റുകളുടെ ഒഴുക്കും കൂടിയിരിക്കുകയാണ്.