താലിബാനെ പിന്തുണച്ച് സംസാരിച്ചെന്നാരോപിച്ച് യു.പിയില്‍ സമാജ് വാദി എം.പിക്കെതിരെ രാജ്യദ്രോഹക്കേസ്
ഡൂള്‍ന്യൂസ് ഡെസ്‌ക്
Wednesday, 18th August 2021, 2:55 pm
ലഖ്‌നൗ: താലിബാനെ ഇന്ത്യയുടെ സ്വാതന്ത്ര്യസമര സേനാനികളുമായി താരതമ്യം ചെയ്ത് സംസാരിച്ചെന്നാരോപിച്ച് സമാജ് വാദിപാര്‍ട്ടി എം.പി. ഷഫീഖുര്‍ റഹ്മാന്‍ ബാര്‍ക്കിനെതിരെ രാജ്യദ്രോഹക്കുറ്റം ചുമത്തി. സംഭല്‍ പൊലീസാണ് ഷഫീഖൂറിനെതിരെ കേസെടുത്തത്.
ഇന്ത്യന്‍ സ്വാതന്ത്ര്യസമര സേനാനികളും താലിബാനും ഒരേപോലെയാണെന്ന് പറഞ്ഞതിന് എം.പിക്കെതിരെ ഒരു പരാതി ലഭിച്ചതായി സംഭല്‍ പൊലീസ് സൂപ്രണ്ട് ചക്രേഷ് മിശ്ര പറഞ്ഞു.
അത്തരം പ്രസ്താവനകള്‍ രാജ്യദ്രോഹത്തിന് മതിയായ കാരണമാണെന്നും അതിനാല്‍ 124 എ (രാജ്യദ്രോഹം), 153 എ, 295 ഐ.പി.സി വകുപ്പുകള്‍ പ്രകാരം എം.പിക്കെതിരെ എഫ്.ഐ.ആര്‍ രജിസ്റ്റര്‍ ചെയ്തിട്ടുണ്ടെന്നും അദ്ദേഹം പറഞ്ഞു.
