എന്ന് ബി.ജെ.പി അധികാരത്തിലേറിയോ അന്നുമുതല്‍ രാജ്യത്തെ മതേതരത്വം ദുര്‍ബലപ്പെട്ടു: ഉവൈസി
ഡൂള്‍ന്യൂസ് ഡെസ്‌ക്
Thursday, 9th September 2021, 4:12 pm
ലഖ്‌നൗ: ബി.ജെ.പി അധികാരത്തില്‍ വന്നത് മുതല്‍ രാജ്യത്തെ മതേതരത്വം ദുര്‍ബലമായെന്ന് എ.ഐ.എം.ഐ.എം അധ്യക്ഷന്‍ അസദുദ്ദീന്‍ ഉവൈസി. ഉത്തര്‍പ്രദേശിലെ ഒരു പൊതുയോഗത്തില്‍ സംസാരിക്കുകയായിരുന്നു അദ്ദേഹം.
” എന്നുതൊട്ടാണോ ബി.ജെ.പി അധികാരത്തില്‍ വന്നത് അന്നുതൊട്ട് രാജ്യത്തെ മതേതരത്വം ദുര്‍ബലമായി,” ഉവൈസി പറഞ്ഞു.
സമാജ് വാദി പാര്‍ട്ടിയേയും ബി.എസ്.പിയേയും അദ്ദേഹം വിമര്‍ശിച്ചു. സമാജ് വാദി പാര്‍ട്ടിയും ബി.എസ്.പിയും യു.എ.പി.എ നിയമത്തെ എതിര്‍ക്കുന്നില്ലെന്നും സംസ്ഥാനത്തെ മുസ്‌ലിങ്ങള്‍ക്കും ദളിതര്‍ക്കുമെതിരെ ഉപയോഗിക്കുകയാണെന്നും അദ്ദേഹം പറഞ്ഞു.
