മുംബൈ: “ബാഹുബലി” നായകൻ പ്രഭാസ് പ്രധാന വേഷത്തിലെത്തുന്ന “സഹോ”യുടെ “മിനി” ടീസർ പുറത്തിറങ്ങി. പതിനഞ്ച് സെക്കന്റ് മാത്രം ദൈർഘ്യമുള്ള ക്ലിപ്പിൽ മോട്ടോർബൈക്കും ചെയ്സും പോലീസ് കാറുകളും എല്ലാം ഒരു കിടിലൻ ആക്ഷൻ ചിത്രത്തിന്റെ “വൈബാണ്” ആരാധകർക്ക് നൽകുന്നത്. ചിത്രത്തിൽ സുപ്രധാന വേഷം കൈകാര്യം ചെയ്യുന്ന, ബോളിവുഡ് നടി ശ്രദ്ധ കപൂറാണ് ടീസർ തന്റെ ഇൻസ്റ്റാഗ്രാം അക്കൗണ്ട് വഴി ഷെയർ ചെയ്തത്.
Also Read ബാലാകോട്ട് വ്യോമാക്രമണത്തിന് പിന്നാലെ നയതന്ത്ര ഉച്ചകോടിയിൽ പങ്കെടുക്കാൻ സുഷമ സ്വരാജ് ചൈനയിലേക്ക്
തന്റെ ജന്മദിനമായ മാർച്ച് 3നു “ഷേഡ്സ് ഓഫ് സാഹോ” എന്ന പേരിൽ ചിത്രത്തിന്റെ മേക്കിങ് വീഡിയോ കൂടി പുറത്തിറങ്ങും എന്നും ശ്രദ്ധ കപൂർ ഉറപ്പുനൽകുന്നു. ഇതിനുമുൻപ് പ്രഭാസിന്റെ പിറന്നാളിന്റെ അന്ന് ചിത്രത്തിന്റെ ആദ്യ ടീസറും ഒരു മേക്കിങ് വീഡിയോയും ചിത്രത്തിന്റെ അണിയറപ്രവർത്തകർ ആരാധകരുമായി പങ്കുവെച്ചിരുന്നു. ടീസറിൽ ശ്രദ്ധ ആൾത്തിരക്കുള്ള മാർക്കറ്റിൽ ഒരാളെ തള്ളിമാറ്റി കൊണ്ട് ഓടുന്നതും, പ്രഭാസ് ബൈക്കിലേറി പോലീസിൽ നിന്നും രക്ഷപ്പെടാനായി ചീറിപായുന്നതുമാണ് പ്രധാനമായും കാണുന്നത്.
Also Read ശ്രീലങ്കന്‍ മുന്‍ ക്യാപ്റ്റന്‍ ജയസൂര്യയ്ക്ക് രണ്ട് വര്‍ഷം വിലക്ക്
അന്താരാഷ്ട്ര നിലയിൽ പ്രശസ്തനായ സ്റ്റണ്ട് കോറിയോഗ്രാഫർ കെന്നി ബേറ്റ്സ് ആണ് ചിത്രത്തിന് വേണ്ടി സ്റ്റണ്ട് സീനുകൾ ഡിസൈൻ ചെയ്തിരിക്കുന്നത്. തെലുങ്ക് സംവിധായകനായ സുജീത് ആണ് ചിത്രം അഭ്രപാളിയിൽ എത്തിക്കുക. നിർമ്മാണം ടി സീരീസും, യു.വി. ക്രിയേഷൻസും ഒരുമിച്ചാണ് നിർവഹിക്കുന്നത്. ജാക്കി ഷ്‌റോഫ്, മന്ദിര ബേദി, നീൽ നൈറ്റിന് മുകേഷ്, ചങ്കി പാണ്ഡെ, അരുൺ വിജയ് മുരളി ശർമ്മ എന്നിവരടങ്ങിയ വമ്പൻ താരനിരയാണ് ചിത്രത്തിലുള്ളത്. ഓഗസ്റ്റ് 15നു ചിത്രം തീയറ്ററുകളിലെത്തും.