2007-ല്‍ ഐ.പി.ഒ വഴി സമാഹരിച്ച 9,187 കോടി രൂപയുമായി ബന്ധപ്പെട്ട വിവരങ്ങള്‍ കമ്പനി മറച്ചുവെച്ചതിനെ തുടര്‍ന്നാണ് സെബിയുടെ നടപടി. ഡി.എല്‍.എഫ് കമ്പനി നിക്ഷേപകരെ വഞ്ചിക്കുകയായിരുന്നുവെന്നു കാണിച്ച് ദില്ലി സ്വദേശിയായ കെ.കെ സിന്‍ഹ നല്‍കിയ പരാതിയിലാണ് കമ്പനിക്കും കമ്പനി അധികൃതര്‍ക്കും സെബി വിലക്ക് ഏര്‍പ്പെടുത്തിയത്.
ഡി.എല്‍.എഫ് ചെയര്‍മാന്‍ കെ.പി.സിങ്, വൈസ് ചെയര്‍മാന്‍ രാജീവ് സിങ്, മാനേജിംഗ് ഡയറക്ടര്‍ ടി.സി.ഗോയല്‍ എന്നിവരടക്കം ആറു പേര്‍ക്കാണ് വിലക്ക്. ഇന്ത്യയിലെ ഏറ്റവും വലിയ നിര്‍മാണ കമ്പനികളില്‍ ഒന്നായ ഡി.എല്‍.എഫിന്റെ പ്രവര്‍ത്തനങ്ങളില്‍ സെബിയുടെ വിലക്ക് പ്രതിസന്ധി സൃഷ്ടിക്കുമെന്നാണ് വിദഗ്ദ്ധര്‍ വിലയിരുത്തുന്നത്.