'സച്ചി സേതുവിലെ സേതുവാണ് ഞാന്‍ എന്ന് പറഞ്ഞാണ് പരിചയപ്പെടുത്താറ്'; സച്ചിയുടെ വിയോഗത്തില്‍ വിതുമ്പി സേതു
എന്റര്‍ടെയിന്‍മെന്റ് ഡെസ്‌ക്
Friday, 19th June 2020, 10:35 am
കൊച്ചി: സംവിധായകന്‍ സച്ചിയുടെ ഓര്‍മ്മകളില്‍ വിതുമ്പി തിരക്കഥാകൃത്ത് സേതു. സച്ചിയില്ലായിരുന്നെങ്കില്‍ താന്‍ സിനിമയില്‍ എത്തില്ലായിരുന്നെന്ന് സേതു പറഞ്ഞു.
‘സച്ചിയില്ലെങ്കില്‍ സിനിമയുടെ പരിസരങ്ങളില്‍ ഞാന്‍ എത്തില്ലായിരുന്നു. ബ്ലാങ്ക് ആയുള്ള അവസ്ഥയാണ്. എപ്പോഴും അപ്പുറത്തെ അറ്റത്ത് എന്നെ അറിയാത്ത ആരെങ്കിലുമാണെങ്കില്‍ സച്ചി സേതുവിലെ സേതുവാണ് ഞാന്‍ എന്ന് പറഞ്ഞാണ് പരിചയപ്പെടുത്താറ്
ഒരുപാട് സ്വപ്‌നം കണ്ടിരുന്നു സച്ചി സേതു കൂട്ടായ്മയില്‍.. ഇനി അതില്ല..വാക്കുകള്‍ മുഴുമിപ്പിക്കാന്‍ കഴിയാതെയായിരുന്നു മാധ്യമങ്ങളോട് സേതു സംസാരിച്ചത്.
2007ല്‍ ചോക്കലേറ്റ് എന്ന സിനിമയിലൂടെ സേതുവിനൊപ്പം തിരക്കഥാകൃത്തായി രംഗപ്രവേശനം ചെയ്തയാളാണ് സച്ചി. 2012ല്‍ റണ്‍ ബേബി റണ്‍ എന്ന ചിത്രത്തിലൂടെ ഒറ്റക്ക് തിരക്കഥ എഴുതാന്‍ ആരംഭിക്കുകയായിരുന്നു.
