ഏറെ നാളത്തെ കാത്തിരിപ്പിന് ശേഷം ഇന്ത്യ ആതിഥേയത്വം വഹിക്കുന്ന ഐ.സി.സി 2023 ലോകകപ്പിന്റെ മത്സരക്രമങ്ങള്‍ പ്രഖ്യാപിച്ചു. ഒക്ടോബര്‍ അഞ്ചിനാണ് മത്സരങ്ങള്‍ ആരംഭിക്കുക.

നിലവിലെ ചാമ്പ്യന്മാരായ ഇംഗ്ലണ്ടും ന്യൂസിലന്‍ഡും തമ്മില്‍ അഹമ്മദാബാദിലാണ് ഉദ്ഘാടന മത്സരം. നവംബര്‍ 19ന് ഇതേ വേദിയില്‍ ഫൈനലും നടക്കും. ഗ്രൂപ്പ് ഘട്ടത്തില്‍ ഇന്ത്യയും പാക്കിസ്ഥാനും തമ്മിലുള്ള മത്സരവും ഒക്ടോബര്‍ 15ന് അഹമ്മദാബാദില്‍ നടക്കും.

മുംബൈയിലെ വാങ്കഡെ സ്റ്റേഡിയവും കൊല്‍ക്കത്തയിലെ ഈഡന്‍ ഗാര്‍ഡന്‍സുമാണ് രണ്ട് സെമി ഫൈനലുകള്‍ക്കുള്ള വേദി. ഓസ്‌ട്രേലിയക്കെതിരെയാണ് ഇന്ത്യയുടെ ആദ്യ മത്സരം.

🚨🚨 Team India’s fixtures for ICC Men’s Cricket World Cup 2023 👇👇

#CWC23 #TeamIndia pic.twitter.com/LIPUVnJEeu

— BCCI (@BCCI) June 27, 2023

കാര്യവട്ടം ഗ്രീന്‍ ഫീല്‍ഡ് സ്റ്റേഡിയത്തില്‍ സന്നാഹ മത്സരങ്ങള്‍ നടക്കും. എന്നാല്‍ ഏതൊക്കെ മത്സരമാകും തിരുവനന്തപുരത്ത് ഉണ്ടാകുക എന്നതിനെക്കുറിച്ചുള്ള വിശദമായ റിപ്പോര്‍ട്ട് പുറത്തുവന്നിട്ടില്ല.

ICC WORLD CUP SCHEDULE 2023. pic.twitter.com/xf2H4uxjNW

— Johns. (@CricCrazyJohns) June 27, 2023

ആതിഥേയരായ ഇന്ത്യ ഉള്‍പ്പെടെ 10 ടീമുകള്‍ ടൂര്‍ണമെന്റില്‍ പങ്കെടുക്കും. സ്വന്തം നാട്ടില്‍ നടക്കുന്ന ലോകകപ്പില്‍ കിരീടമുയര്‍ത്തുക എന്ന ലക്ഷ്യത്തോടെയാണ് ടീം ഇന്ത്യ ഇറങ്ങുന്നത്.

ഇന്ത്യയില്‍ അവസാനമായി ഏകദിന ലോകകപ്പ് നടന്നത് 2011-ലാണ്. അന്ന് മുംബൈയിലെ വാംഖഡെ സ്റ്റേഡിയത്തില്‍ നടന്ന ഫൈനലില്‍ ശ്രീലങ്കയെ ആറുവിക്കറ്റിന് തോല്‍പ്പിച്ചാണ് ഇന്ത്യ ജേതാക്കളായത്.

Content Highlight: Schedule released for 2023 ICC World Cup; Kariyavattam Stadium to participate in the tournament