സോഷ്യലിസത്തിന്റെ മണം പരക്കട്ടെ; യു.പി തെരഞ്ഞെടുപ്പിന് മുന്നോടിയായി പെര്‍ഫ്യൂം പുറത്തിറക്കി സമാജ്‌വാദി പാര്‍ട്ടി
ഡൂള്‍ന്യൂസ് ഡെസ്‌ക്
Tuesday, 9th November 2021, 3:06 pm
ലഖ്‌നൗ: ഉത്തര്‍പ്രദേശ് തെരഞ്ഞെടുപ്പിന് മുന്നോടിയായി പെര്‍ഫ്യൂം പുറത്തിറക്കി സമാജ്‌വാദി പാര്‍ട്ടി. കന്നൗഡ് എം.എല്‍.സി പമ്മി ജെയ്‌നാണ് പെര്‍ഫ്യൂം പുറത്തിറക്കിയത്.
ചുവപ്പും പച്ചയും നിറത്തിലുള്ള ബോട്ടിലിലാണ് പെര്‍ഫ്യൂം പുറത്തിറക്കുന്നത്. എസ്.പി നേതാവ് അഖിലേഷ് യാദവിന്റെ ചിത്രവും പാര്‍ട്ടി ചിഹ്നമായ സൈക്കിളും ബോട്ടിലിലുണ്ട്.
ജനങ്ങള്‍ പെര്‍ഫ്യൂം ഉപയോഗിക്കാന്‍ തുടങ്ങുന്നതോടെ നാട്ടില്‍ സോഷ്യലിസത്തിന്റെ മണം വ്യാപിക്കും എന്നാണ് ജെയ്ന്‍ പറയുന്നത്. ഈ പെര്‍ഫ്യൂം 2022 ല്‍ വിദ്വേഷത്തെ ഇല്ലാതാക്കുമെന്നും അദ്ദേഹം പറഞ്ഞു.
ഒക്ടോബര്‍ 12 നാണ് സമാജ് വാദി പാര്‍ട്ടി സംസ്ഥാനത്ത് പ്രചരണം ആരംഭിച്ചത്. സംസ്ഥാനത്തുടനീളം വിജയ് രഥയാത്രയും അഖിലേഷിന്റെ നേതൃത്വത്തില്‍ നടന്നിരുന്നു.
