കഴുത്തറ്റം വെള്ളത്തില്‍ തൂങ്ങി നില്‍ക്കുന്നവര്‍; വെള്ളത്തില്‍ ഒഴുകി പോകുന്ന വാഹനങ്ങള്‍; ചൈനയില്‍ നിന്നും പുറത്ത് വരുന്നത് പേടിപ്പിക്കുന്ന ദൃശ്യങ്ങള്‍
ഡൂള്‍ന്യൂസ് ഡെസ്‌ക്
Wednesday, 21st July 2021, 8:22 pm
ബെയ്ജിംഗ്: ചരിത്രത്തിലെ ഏറ്റവും വലിയ പ്രളയം നേരിടുന്ന ചൈനയില്‍ ഗുരുതര സാഹചര്യം. ഹെനാന്‍ മേഖലയിലുണ്ടായ പ്രളയത്തിലും വെള്ളപ്പൊക്കത്തിലും പെട്ട് വലിയ നാശനഷ്ടങ്ങളാണ് ഉണ്ടായിരിക്കുന്നത്.
പുതുതായി പുറത്ത് വരുന്ന കണക്കനുസരിച്ച് കനത്ത മഴയിലും വെള്ളപ്പൊക്കത്തിലും 25 ലേറെ പേരാണ് ചൈനയിലെ തലസ്ഥാന നഗരമായ സെങ്ഴുവില്‍ മരണപ്പെട്ടത്.
സെങ്ഴുവില്‍ നിന്ന് ബുധനാഴ്ചയോടെ ഏകദേശം 200,000 കുടുംബങ്ങളെ മാറ്റിമാര്‍പ്പിച്ചിട്ടുണ്ട്
സോഷ്യല്‍ മീഡിയയില്‍ പ്രളയത്തിന്റെ ഭീകരത വെളിവാക്കുന്ന ദൃശ്യങ്ങള്‍ പ്രചരിക്കുന്നുണ്ട്. സബ്‌വേക്കുള്ളിലെ ട്രെയിനില്‍ കഴുത്തോളം വെള്ളത്തില്‍ തൂങ്ങി നില്‍ക്കുന്ന ആളുകളുടെ ദൃശ്യങ്ങള്‍ വ്യാപകമായി പ്രചരിക്കുന്നുണ്ട്.
