സൗദിയില്‍ യുദ്ധവിമാനം തകര്‍ന്ന് വീണ് രണ്ട് സൈനികര്‍ മരിച്ചു
ഡൂള്‍ന്യൂസ് ഡെസ്‌ക്
Wednesday, 26th July 2023, 11:58 pm
റിയാദ്: സൗദിയില്‍ വ്യോമസേനയുടെ യുദ്ധവിമാനം തകര്‍ന്ന് വീണ് രണ്ട് സൈനികര്‍ മരിച്ചു. ഖമീസ് മുഷൈത്തില്‍ ബുധനാഴ്ച ഉച്ചയ്ക്കാണ് യുദ്ധവിമാനം തകര്‍ന്ന് വീണതെന്ന് സൗദി പ്രതിരോധ മന്ത്രാലയം അറിയിച്ചു.
കിംഗ് ഖാലിദ് എയര്‍ബേസില്‍ ഇന്ന് ഉച്ചക്ക് 2.28നാണ് സംഭവം. പരിശീലന പറക്കലിനിടയിലായിരുന്നു എഫ്15എസ്.എ യുദ്ധ വിമാനം അപകടത്തില്‍പെട്ടത്. വിമാനത്തിലെ രണ്ട് ജീവനക്കാര്‍ അപകടത്തില്‍ മരിച്ചതായി പ്രതിരോധ മന്ത്രാലയ വക്താവ് പറഞ്ഞു.
