സര്‍പ്രൈസുമായി സ്റ്റാന്‍ലി; സാറ്റര്‍ഡേ നൈറ്റ് ട്രെയ്‌ലര്‍
എന്റര്‍ടെയിന്‍മെന്റ് ഡെസ്‌ക്
Monday, 5th September 2022, 7:34 pm
നിവിന്‍ പോളി നായകനാവുന്ന സാറ്റര്‍ഡേ നൈറ്റിന്റെ ട്രെയ്‌ലര്‍ പുറത്ത്. സുഹൃത്ത് ബന്ധത്തിന് പ്രാധാന്യം നല്‍കി നിര്‍മിച്ചിരിക്കുന്ന ചിത്രത്തിന്റെ ട്രെയ്‌ലര്‍ സ്റ്റാന്‍ലി എന്ന ചെറുപ്പക്കാരന്റേയും അവന്റെ സുഹൃത്തുക്കളുടെയും ജീവിതത്തിലൂടെയാണ് കടന്നുപോകുന്നത്.
കായം കുളം കൊച്ചുണ്ണിക്ക് ശേഷം നിവിന്‍ പോളിയും റോഷന്‍ ആന്‍ഡ്രൂസും ഒന്നിക്കുന്ന ചിത്രത്തില്‍ സൈജു കുറുപ്പ്, അജു വര്‍ഗീസ്, സിജു വില്‍സണ്‍, ഗ്രേസ് ആന്റണി, സാനിയ ഇയ്യപ്പന്‍, മാളവിക, പ്രതാപ് പോത്തന്‍, ശാരി, വിജയ് മേനോന്‍, അശ്വിന്‍ മാത്യു എന്നിങ്ങനെ വലിയ താരനിര തന്നെയാണ് എത്തുന്നത്.
സ്റ്റാന്‍ലി എന്ന കഥാപാത്രത്തെയാണ് ചിത്രത്തില്‍ നിവിന്‍ പോളി അവതരിപ്പിക്കുന്നത്. നവീന്‍ ഭാസ്‌കര്‍ ആണ് ചിത്രത്തിന്റെ രചന. പൂജാ റിലീസ് ആയി സെപ്റ്റംബര്‍ അവസാനവാരം ചിത്രം തിയേറ്ററുകളില്‍ എത്തും.
