കേരളത്തില്‍ അപ്രഖ്യാപിത വിമോചനസമരത്തിന്റെ ഒരുക്കമെന്ന് ശശികുമാര്‍
ഡൂള്‍ന്യൂസ് ഡെസ്‌ക്
Tuesday, 11th August 2020, 10:27 pm
തിരുവനന്തപുരം: കേരളത്തില്‍ അപ്രഖ്യാപിത വിമോചനസമരത്തിന്റെ ഒരുക്കമെന്ന് മുതിര്‍ന്ന മാധ്യമപ്രവര്‍ത്തകന്‍ ശശികുമാര്‍. കൈരളി ന്യൂസിന്റെ ന്യൂസ് ആന്റ് വ്യൂസ് ചര്‍ച്ചയില്‍ പങ്കെടുത്ത് സംസാരിക്കുകയായിരുന്നു അദ്ദേഹം.
മാധ്യമങ്ങളെ സംബന്ധിച്ചിടത്തോളം ഇന്ന് ഇന്ത്യയില്‍ ഒരു പ്രശ്‌നവല്‍കൃതമായ സാഹചര്യമാണ്. കാരണം നമുക്ക് തുറന്ന് കാര്യങ്ങള്‍ പറയാന്‍ പറ്റുമോ എന്നത് വളരെ ഒരു ചോദ്യചിഹ്നം തന്നെയാണ്.
മാധ്യമങ്ങള്‍ സെല്‍ഫ് സെന്‍സര്‍ഷിപ്പ് തുടങ്ങിക്കഴിഞ്ഞുവെന്നും അദ്ദേഹം കൂട്ടിച്ചേര്‍ത്തു. പല കാര്യങ്ങളും അവര്‍ ചര്‍ച്ച ചെയ്യാന്‍ മടിക്കുന്നു.
അതിന്റെ ഭവിഷ്യത്ത് അവര്‍ക്കറിയാം. അതുകൊണ്ട് ആ ഭാഗത്തേക്ക് ചിന്തിക്കാതിരിക്കുകയാണ് ബുദ്ധി. അതൊക്കെ തന്നെയാണ് നമ്മളിപ്പോള്‍ കാണുന്നതെന്നും ശശികുമാര്‍ പറഞ്ഞു.
