ചില നേതാക്കളുടെ പേര് പറയാന്‍ നിര്‍ബന്ധിക്കുന്നു; ജയിലില്‍ ഭീഷണിയെന്ന് സ്വര്‍ണക്കടത്ത് കേസ് പ്രതി സരിത്
ഡൂള്‍ന്യൂസ് ഡെസ്‌ക്
Friday, 9th July 2021, 11:45 pm
തിരുവനന്തപുരം: സ്വര്‍ണക്കടത്ത് കേസില്‍ ചില നേതാക്കളുടെ പേര് പറയാന്‍ ജയിലില്‍ തനിക്ക് ഭീഷണിയെന്ന് കേസിലെ പ്രധാന പ്രതി സരിത്.
എന്‍.ഐ.എ. റിമാന്റ് പുതുക്കാന്‍ ഓണ്‍ലൈനായി കോടതിയില്‍ ഹാജരാക്കിയപ്പോഴായിരുന്നു സരിതിന്റെ തുറന്നുപറച്ചില്‍.
ജയിലില്‍ നിരന്തരം ഭീഷണിയുണ്ടെന്നും ചില നേതാക്കളുടെ പേര് പറയാന്‍ നിര്‍ബന്ധിക്കുന്നുവെന്നും പരാതിയിലുണ്ട്. നിലവില് പൂജപ്പുര സെന്‍ട്രല്‍ ജയിലില്‍ റിമാന്റില്‍ കഴിയുകയാണ് സരിത്.
ബി.ജെ.പി. നേതാവ് വി. മുരളീധരന്‍, മുന്‍ പ്രതിപക്ഷ നേതാവ് രമേശ് ചെന്നിത്തല തുടങ്ങിയവരുടെ പേര് പറയാനാണ് തനിക്ക് ഭീഷണിയെന്ന് സരിത് പറഞ്ഞു.
