ഇവനെയൊന്നും ഇന്ത്യയിലെ സെലക്ടര്‍മാര്‍ കാണുന്നില്ലേ; അവസാന മത്സരങ്ങളില്‍ ഒരു ട്രിപ്പിള്‍ സെഞ്ച്വറി, രണ്ട് ഡബിള്‍ സെഞ്ച്വറി ഒപ്പം എണ്ണം പറഞ്ഞ മൂന്ന് സെഞ്ച്വറിയും
സ്പോര്‍ട്സ് ഡെസ്‌ക്
Tuesday, 7th June 2022, 5:40 pm
രഞ്ജിയിൽ റണ്ണടിച്ചുകൂട്ടി മുംബൈയുടെ യുവതാരം സര്‍ഫറാസ് ഖാന്‍. സീസണിലെ മൂന്നാം സെഞ്ച്വറിയാണ് താരം സ്വന്തമാക്കിയത്. ഓരോ മത്സരത്തിലും റണ്ണടിച്ചുകൂട്ടുന്നതിനൊപ്പം തന്നെ നിലനിര്‍ത്തുന്ന കണ്‍സിസ്റ്റന്‍സിയാണ് താരത്തെ വ്യത്യസ്തനാക്കുന്നത്.
ഉത്തരാഖണ്ഡിനെതിരെയാണ് താരം സീസണില്‍ മൂന്നാം സെഞ്ച്വറി കരസ്ഥമാക്കിയത്.
205 പന്തില്‍ നിന്നും 153 റണ്‍സ് നേടിയാണ് സര്‍ഫറാസ് കഴിഞ്ഞ മത്സരത്തില്‍ നിന്നും സെഞ്ച്വറി സ്വന്തമാക്കിയത്. മുംബൈയെ നോക്കൗട്ടില്‍ പ്രവേശിപ്പിച്ചതില്‍ നിര്‍ണായക പങ്കാണ് താരം വഹിച്ചത്.
കഴിഞ്ഞ 13 മത്സരത്തില്‍ നിന്നും 124.92 ശരാശരിയില്‍ 1624 റണ്‍സാണ് സര്‍ഫറാസ് സ്വന്തമാക്കിയത്. ഇതില്‍ മൂന്ന് സെഞ്ച്വറിയും രണ്ട് ഇരട്ട സെഞ്ച്വറിയും ഒരു ട്രിപ്പിള്‍ സെഞ്ച്വറിയും ഉള്‍പ്പെടും.
