ലണ്ടനില് ഒരു മാളില്‍ മകനെയെടുത്ത് നടന്നു പോവുകയായിരുന്ന പാക് നായകന്‍ സര്‍ഫ്രാസ് അഹമ്മദിനെ തടിയനെന്ന് അധിക്ഷേപിച്ച് പാക് ക്രിക്കറ്റ് ആരാധകന്‍.
നടന്നു പോവുകയായിരുന്ന സര്‍ഫ്രാസിനെ ഫോട്ടെയടുക്കാന്‍ വിളിച്ചാണ് സെല്‍ഫി വീഡിയോയിലൂടെ ഇയാള്‍ അധിക്ഷേപിച്ചത്. സര്‍ഫ്രാസിനോട് തടികുറയ്ക്കാനും ഇയാള്‍ പറയുന്നുണ്ട്. പാക് മാധ്യമപ്രവര്‍ത്തകനായ സഈദ് റാസ മെഹ്ദിയാണ് നാണം കെട്ട പ്രവര്‍ത്തിയെന്ന് വിശേഷിപ്പിച്ച് കൊണ്ട് വീഡിയോ ഷെയര്‍ ചെയ്തിരിക്കുന്നത്.
A shameful act by a Pakistani fan with captain Sarfaraz Ahmed, this is how we treat our National Heros. Highly condemnable!! ? pic.twitter.com/WzAj0RaFI7
— Syed Raza Mehdi (@SyedRezaMehdi) June 21, 2019
വീഡിയോയ്‌ക്കെതിരെ നിരവധി പേര്‍ രംഗത്തെത്തിയിട്ടുണ്ട്. താരങ്ങളെ വിമര്‍ശിക്കാന്‍ ആരാധകര്‍ക്ക് അവകാശമുണ്ടെങ്കിലും ഈ തരത്തില്‍ അധിക്ഷേപിക്കാന്‍ ആര്‍ക്കും അവകാശമില്ലെന്ന് മറ്റു ആരാധകര്‍ പറയുന്നു.
ലോകകപ്പില്‍ 89 റണ്‍സിനാണ് പാകിസ്താന്‍ ഇന്ത്യയോട് തോറ്റത്. പരാജയത്തിന് പിന്നാലെ ടീമിനെ വിമര്‍ശിക്കുന്ന ആരാധകരുടെ നിരവധി വീഡിയോകള്‍ പുറത്തു വന്നിരുന്നു.