ബ്യൂട്ടി ക്വീനില്‍ നിന്നും കോമണ്‍വെല്‍ത്ത് ഗെയിംസില്‍ ഗോള്‍ഡ് മെഡലിലേക്ക്; ചരിത്രം സൃഷ്ടിച്ച് സാറാ ഡേവിസ്
സ്പോര്‍ട്സ് ഡെസ്‌ക്
Tuesday, 2nd August 2022, 7:07 pm
ബെര്‍മിങ്ഹാമില്‍ വെച്ച് നടക്കുന്ന കോമണ്‍വെല്‍ത്ത് ഗെയിംസില്‍ ഇംഗ്ലണ്ടിന് അടുത്ത ഗോള്‍ഡ് മെഡല്‍. വനിതകളുടെ 71 കിലോ വെയ്റ്റ് ലിഫ്റ്റിങ് മത്സരത്തിലാണ് ഇംഗ്ലണ്ട് ഗോള്‍ഡ് മെഡല്‍ സ്വന്തമാക്കിയത്. സാറാ ഡേവിസാണ് ഇംഗ്ലണ്ടിനായി മെഡല്‍ നേടിയത്.
229 കിലോയാണ് അവര്‍ ലിഫ്റ്റ് ചെയ്തത്. രണ്ടാം സ്ഥാനം കരസ്ഥമാക്കിയ കാനഡയുടെ അലക്‌സിസിനേക്കാള്‍ 15 കിലോയാണ് സാറ ലിഫ്റ്റ് ചെയ്തത്. മൂന്നാം സ്ഥാനം കരസ്ഥമാക്കിയത് ഇന്ത്യയുടെ ഹരജിന്ദര്‍ കൗറായിരുന്നു. 212 കിലോയാണ് അവര്‍ പൊക്കിയെടുത്തത്.
