നജീം കോയ സംവിധാനം ചെയ്ത് റഹ്മാന് നായകനായി പുറത്തിറങ്ങിയ വെബ് സീരീസാണ് ‘1000 ബേബീസ്’. ഈ സീരീസില്‍ നടന്‍ സഞ്ജു ശിവറാമും ഒരു പ്രധാനവേഷത്തില്‍ എത്തിയിരുന്നു. ബിബിന്‍ എന്ന കഥാപാത്രമായാണ് സഞ്ജു എത്തിയത്. സീരിസില്‍ ഒരു ഷോട്ടില്‍ ന്യൂഡായി സഞ്ജു പ്രത്യക്ഷപ്പെട്ടിരുന്നു.
ന്യൂഡ് സീനിനെ കുറിച്ച് സംസാരിക്കുകയാണ് സഞ്ജു ശിവറാം. ആ സീന്‍ എടുക്കുന്നതിന് മിനിട്ടുകള്‍ മുമ്പാണ് തന്നോട് പറഞ്ഞതെന്നും അത്തരം ഒരു ഷോട്ടിന്റെ ആവശ്യമുണ്ടോയെന്ന് സംവിധായകനോട് ചോദിച്ചെന്നും സഞ്ജു പറയുന്നു.
ട്രെയ്ലറില് തന്റെ ഷോട്ട് വന്നത് കണ്ടിട്ടില്ലായിരുന്നെന്നും ട്രോള് പേജില്‍ അത് കണ്ടപ്പോള്‍ ലീക്ക് ആയതായിരിക്കുമെന്ന് കരുതിയെന്നും സഞ്ജു കൂട്ടിച്ചേര്‍ത്തു. മിര്‍ച്ചി മലയാളത്തിന് നല്‍കിയ അഭിമുഖത്തില്‍ സ്മസാരിക്കുകയായിരുന്നു അദ്ദേഹം.
‘ആ ഒരു സീനിനെ കുറിച്ച് എന്റെ അടുത്ത് പറഞ്ഞിട്ടില്ലായിരുന്നു. ആ ഷോട്ടിന് രണ്ട് മിനുട്ട് മുമ്പാണ് എന്നോട് ഇങ്ങനെ ഒരു ന്യൂഡ് ഷോട്ട് ഉണ്ടെന്ന് പറയുന്നത്. അത് കേട്ടപ്പോള്‍ എന്തിനാ അങ്ങനെ ഒരു ഷോട്ട് എന്നായിരുന്നു ഞാന്‍ തിരിച്ച് ചോദിച്ചത്. അയാള്‍ അങ്ങനെ ഇരിക്കുന്നത് കാണിച്ചാല്‍ ഒരുപാട് കാര്യങ്ങള്‍ നമുക്ക് പറയാതെ തന്നെ പറയാം എന്ന് നജിം കോയ പറഞ്ഞു.
ആ ഷോട്ട് ട്രെയ്ലറില് ഒരു മിന്നായം പോലെയേ അത് കാണിക്കുന്നുള്ളു. ട്രെയ്ലറില് ഉണ്ടെന്ന് പലര്‍ക്കും അറിയില്ല. ഞാന്‍ പോലും അത് കണ്ടിട്ടില്ലായിരുന്നു. ട്രെയ്‌ലര്‍ വന്ന് കഴിഞ്ഞ് നോക്കിയപ്പോള്‍ എന്റെ ആ ന്യൂഡ് സീനിന്റെ ഫോട്ടോ ഏതോ ഒരു ട്രോള് പേജില്‍ വന്നു. ഇത് എവിടെ നിന്ന് അവര്‍ക്ക് കിട്ടി എന്നായിരുന്നു ഞാന്‍ ആലോചിച്ചത്. നജിം ഇക്ക ലീക്ക് ചെയ്തതാണോ എന്നൊക്കെ ഞാന്‍ വിചാരിച്ചു.
ഞാന്‍ അദ്ദേഹത്തെ വിളിച്ച് നജിംക്ക നിങ്ങള്‍ ആ ഷോട്ട് എല്ലായിടത്തും കൊടുത്തോ പല സ്ഥലത്തും വന്നിട്ടുണ്ടല്ലോ എന്ന് ചോദിച്ചു. അപ്പോഴാണ് അദ്ദേഹം പറയുന്നത് ആ ഷോട്ട് ട്രെയ്ലറില് ഉണ്ടെന്ന്. പിന്നെ ഞാന്‍ അത് ഒന്നുകൂടി കണ്ടപ്പോള്‍ വേഗം പോകുന്ന കുറേ ഷോട്ടുകളുടെ കൂട്ടത്തില്‍ ഇതും ഉണ്ടായിരുന്നു. ഒരു സെക്കന്റ് പോലും ആ ഷോട്ടില്ല. അതില്‍ നിന്ന് സ്‌ക്രീന്‍ ഷോട്ട് എടുത്താണ് പലരും കണ്ടത്. ഇപ്പോഴത് ഇന്‍സ്റ്റഗ്രാമില്‍ പല പേജുകളിലും എന്നെ ടാഗ് ചെയ്ത് ഇടുന്നത് കാണാം,’ സഞ്ജു ശിവറാം പറയ്യുന്നു.
Content Highlight: Sanju Sivram Talks About Nude Scene In 1000 Babies Series