ഐ.പി.എല്‍ 2023ലെ ഫേവറിറ്റുകളായി വലയിരുത്തപ്പെടുന്ന ടീമാണ് രാജസ്ഥാന്‍ റോയല്‍സ്. 2008ല്‍ കിരീടം സ്വന്തമാക്കുകയും കഴിഞ്ഞ സീസണില്‍ ഫൈനലില്‍ പരാജയപ്പെടുകയും ചെയ്ത പിങ്ക് വാരിയേഴ്‌സ് ഇത്തവണ ഐ.പി.എല്ലിന്റെ ടൈറ്റില്‍ സ്വന്തമാക്കുമെന്ന് തന്നെയാണ് ആരാധകര്‍ ഉറച്ചുവിശ്വസിക്കുന്നത്.
രാജസ്ഥാന്‍ നായകന്‍ സഞ്ജു സാംസണാണ് ടീമിന്റെ ഏയ്‌സ്. കഴിഞ്ഞ സീസണില്‍ രാജസ്ഥാനെ ഫൈനലിലെത്തിച്ച സഞ്ജു ഇത്തവണയും അതാവര്‍ത്തിക്കുമെന്നും ടീമിനെ കിരീടമണിയിക്കുമെന്നാണ് മാനേജ്‌മെന്റും കരുതുന്നത്. കളത്തിനുള്ളിലെ താരത്തിന്റെ ക്യാപ്റ്റന്‍സി മാത്രമല്ല, കളിക്കളത്തിന് പുറത്ത് സഞ്ജു സഹതാരങ്ങളുമായി പുലര്‍ത്തുന്ന ബന്ധവും ടീമിനെ കരുത്തുറ്റതാക്കുന്നുണ്ട്.
രാജസ്ഥാന്‍ ടീമിലെ സഞ്ജുവിന്റെ ഏറ്റവും ഇഷ്ടപ്പെട്ട താരങ്ങളിലൊരാളാണ് വെസ്റ്റ് ഇന്‍ഡീസ് കരുത്തന്‍ ഷിംറോണ്‍ ഹെറ്റ്‌മെയര്‍. ഇരുവരും മികച്ച ബന്ധമാണ് കളിക്കളത്തിനകത്തും പുറത്തും പുലര്‍ത്തി വരുന്നത്.
ഇരുവരും തമ്മിലുള്ള കൂട്ടുകെട്ടാണ് ഇപ്പോള്‍ സോഷ്യല്‍ മീഡിയ ആഘോഷമാക്കുന്നത്. സഞ്ജുവിന്റെ ചിത്രത്തിന് ഹെറ്റ്‌മെയര്‍ പങ്കുവെച്ച കമന്റും അതിന് സഞ്ജു നല്‍കിയ മറുപടിയുമാണ് ആരാധകര്‍ ആഘോഷമാക്കുന്നത്.
കറുത്ത ജാക്കറ്റണിഞ്ഞ് തന്റെ സ്പോര്ട്സ് ബൈക്കിനടുത്ത് നില്‍ക്കുന്ന ചിത്രം സഞ്ജു സാംസണ്‍ സമൂഹമാധ്യമങ്ങില്‍ പങ്കുവെച്ചിരുന്നു. ഈ ചിത്രത്തിന് കമന്റുമായാണ് ഹെറ്റ്‌മെയറെത്തിയത്.
‘Not a bad look for u @imsanjusamson… hopefully u no what to do with that machine.’ എന്നായിരുന്നു ഹെറ്റ്‌മെയര്‍ കമന്റ് ചെയ്തത്. ഇതിന് മറുപടിയായി അതെല്ലാം തനിക്കറിയാമെന്നും ഇനി നേരില്‍ കാണുമ്പോള്‍ എന്ത് ചെയ്യണമെന്നും അറിയാം എന്നുമായിരുന്നു സഞ്ജു മറുപടി നല്‍കിയത്.
