പുതിയ യുഗത്തിന് ആരംഭം; റാങ്കിങ്ങില്‍ വന്‍ കുതിച്ചുചാട്ടം; കരിയര്‍ ബെസ്റ്റ് റാങ്കിങ്ങുമായി സഞ്ജു
സ്പോര്‍ട്സ് ഡെസ്‌ക്
Wednesday, 12th October 2022, 5:21 pm
ഇന്ത്യ – സൗത്ത് ആഫ്രിക്ക ഏകദിന പരമ്പരക്ക് പിന്നാലെ റാങ്കിങ്ങില്‍ വമ്പന്‍ കുതിപ്പ് നടത്തി സഞ്ജു. ഏകദിന ബാറ്റര്‍മാരുടെ ഐ.സി.സി റാങ്കിങ്ങില്‍ കരിയറിലെ ഏറ്റവും മികച്ച റാങ്കിലാണ് സഞ്ജു എത്തി നില്‍ക്കുന്നത്.
ഏകദേശം 104 സ്ഥാനങ്ങള്‍ മറികടന്ന് നിലവില്‍ 93ാം സ്ഥാനത്താണ് സഞ്ജു. 442 റേറ്റിങ് പോയിന്റാണ് നിലവില്‍ താരത്തിനുള്ളത്.
അവസരം ലഭിച്ചപ്പോഴെല്ലാം തന്നെ ഏകദിന ഫോര്‍മാറ്റില്‍ കസറിയ സഞ്ജുവിന് ഇന്ത് – സൗത്ത് ആഫ്രിക്ക പരമ്പരയാണ് നിര്‍ണായകമായത്. പരമ്പരയിലെ ആദ്യമത്സരം മുതല്‍ മികച്ച പ്രകടനമായിരുന്നു സഞ്ജു പുറത്തെടുത്തത്.
ഇന്ത്യ പരാജയപ്പെട്ട ആദ്യ മത്സരത്തില്‍ 63 പന്തില്‍ നിന്നും 86 റണ്‍സാണ് താരം സ്വന്തമാക്കിയത്. രണ്ടാം മത്സരത്തില്‍ 36 പന്തില്‍ നിന്നും 30 റണ്‍സ് നേടിയ സഞ്ജു മൂന്നാം മത്സരത്തില്‍ നാല് പന്തില്‍ നിന്നും രണ്ട് റണ്‍സാണ് നേടിയത്.
