ന്യൂദല്‍ഹി: മോഹന്‍ലാല്‍-നരേന്ദ്രമോദി കൂടിക്കാഴ്ചയെ ട്രോളി സഞ്ജീവ് ബട്ട്. പതിവുപോലെ ട്വിറ്ററിലാണ് മോദിയെ ട്രോളി സഞ്ജീവ് ബട്ട് ഐ.പി.എസ് ട്വീറ്റ് ചെയ്തിരിക്കുന്നത്. മോഹന്‍ലാലും മോദിയും തമ്മില്‍ സംഭാഷണം നടത്തുന്നപോലെയാണ് സഞ്ജീവ് ട്രോളിയിരിക്കുന്നത്.
“മോഹന്‍ലാലിനെ കണ്ടുമുട്ടാന്‍ സാധിച്ചതില്‍ അഭിമാനമുണ്ടെന്നും നിങ്ങളുടെ വിനയം വളരെ സ്‌നേഹമുണര്‍ത്തുന്നതാണെന്നും” മോദി മോഹന്‍ലാലിനോട് പറയുന്നു. ഇതില്‍ മോഹന്‍ലാല്‍ സന്തോഷം രേഖപ്പെടുത്തുന്നു. തുടര്‍ന്ന് “നിങ്ങള്‍ രാഷ്ട്ര പിതാവാണ്. ഇപ്പോഴും നിങ്ങള്‍ എന്നെ കാണാന്‍ സമയം കണ്ടെത്തിയിരിക്കുന്നു”. എന്ന് മോദി മോഹന്‍ലാലിനോട് ചോദിക്കുന്നു. ” അല്ല മോദിജി അത് മോഹന്‍ദാസ് കരംചന്ദ് ഗാന്ധിയാണെന്ന് മോഹന്‍ലാല്‍ മറുപടി പറയുന്നു.
ഈ സംഭാഷണമാണ് മോദിയെ ട്രോളി സഞ്ജയ് ബട്ട് ട്വിറ്ററില്‍ കുറിച്ചത്. അതേസമയം, മോഹന്‍ലാല്‍ ഇന്നലെ പ്രധാനമന്ത്രിയുമായി കൂടിക്കാഴ്ച നടത്തിയിരുന്നു.
മോഹന്‍ലാലിന്റെ മാതാപിതാക്കളുടെ പേരിലുള്ള വിശ്വശാന്തി ഫൗണ്ടേഷന്റെ പ്രവര്‍ത്തനങ്ങളുമായി ബന്ധപ്പെട്ടായിരുന്നു കൂടിക്കാഴ്ച. ഇതോടൊപ്പം മോഹന്‍ലാല്‍ ബി.ജെ.പി ടിക്കറ്റില്‍ മത്സരിക്കുമെന്ന വാര്‍ത്തയും പ്രചരിച്ചിരുന്നു. എന്നാല്‍ വാര്‍ത്ത മോഹന്‍ലാലിനോട് അടുത്ത വൃത്തങ്ങള്‍ നിരസിച്ചു.