സാനിറ്റൈസര്‍ ഇനി വെറുതെ ഉണ്ടാക്കാന്‍ പറ്റില്ല; ലൈസന്‍സില്ലെങ്കില്‍ നടപടി
ഡൂള്‍ന്യൂസ് ഡെസ്‌ക്
Friday, 19th June 2020, 10:15 pm
തിരുവനന്തപുരം: സംസ്ഥാനത്ത് സാനിറ്റൈസര്‍ വില്‍ക്കാന്‍ ലൈസന്‍സ് നിര്‍ബന്ധമാക്കിയെന്ന് റിപ്പോര്‍ട്ട്. അനുമതിയില്ലാതെ സാനിറ്റൈസര്‍ നിര്‍മ്മിച്ചാല്‍ നടപടിയെടുക്കും. സംസ്ഥാനത്ത് പല സ്ഥലങ്ങളിലും ഗുണനിലവാരമില്ലാത്ത സാനിറ്റൈസര്‍ ഉത്പാദിപ്പിക്കുന്നതും വില്‍ക്കുന്നതും വ്യാപകമായതോടെയാണ് നടപടിയെന്ന് ഡ്രഗ്‌സ് കണ്‍ട്രോളര്‍ കെ.ജെ ജോണ്‍ പറഞ്ഞു. മനോരമ ന്യൂസിനോടായിരുന്നു അദ്ദേഹത്തിന്റെ പ്രതികരണം.
ചില്ലറ വ്യാപാരികള്‍ 20 എ ലൈസന്‍സും മൊത്ത വിതരണ ഏജന്‍സികള്‍ 20 ബി ലൈസന്‍സും എടുക്കണം. സൂപ്പര്‍ മാര്‍ക്കറ്റ് അടക്കമുള്ള ചില്ലറവില്‍പനകള്‍ക്കും 20 എ ലൈസന്‍സ് എടുക്കണം. മരുന്ന് വിതരണക്കാര്‍ക്കും വില്‍പനക്കാര്‍ക്കും ലൈസന്‍സുള്ളതിനാല്‍ പുതിയ നിബന്ധന ബാധകമല്ല.
