എനിക്ക് പെണ്‍കുഞ്ഞിനെയാണ് ഇഷ്ടം, പെണ്‍കുഞ്ഞാകാനാണ് ആഗ്രഹം,ഡോക്ടറുടെ ആ ചിരിയില്‍ മനസ്സിലായി; അനുഭവം പറഞ്ഞ് സാന്ദ്രതോമസ്
എന്റര്‍ടെയിന്‍മെന്റ് ഡെസ്‌ക്
Saturday, 16th January 2021, 2:08 pm
നടിയും സിനിമാ നിര്‍മാതാവുമായ സാന്ദ്ര തോമസ് മലയാളികള്‍ക്ക് ഏറെ പരിചിതയാണ്. തന്റെ സിനിമാ അനുഭവങ്ങളും കുടുംബവിശേഷവുമെല്ലാം സാന്ദ്ര സമൂഹമാധ്യമങ്ങളില്‍ സജീവമായി പങ്കുവെയ്ക്കാറുണ്ട്.
തങ്കം, കൊലുസ് എന്ന് പേരുള്ള തന്റെ ഇരട്ടകുട്ടികളുടെ വിശേഷങ്ങളാണ് സാന്ദ്ര ഏറെയും പങ്കുവെയ്ക്കാറുള്ളത്. ഇപ്പോഴിതാ താന്‍ ഗര്‍ഭിണിയായിരിക്കുമ്പോഴുള്ള ഒരു അനുഭവമാണ് വനിതയ്ക്കു നല്‍കിയ അഭിമുഖത്തില്‍ സാന്ദ്ര പങ്കുവെയ്ക്കുന്നത്.
തനിക്ക് പെണ്‍കുഞ്ഞുങ്ങള്‍ വേണമെന്നത് വലിയ ആഗ്രഹമായിരുന്നുവെന്നും ഒന്നല്ല രണ്ട് പെണ്‍കുട്ടികളെ തനിക്ക് കിട്ടിയെന്നും സാന്ദ്ര പറയുന്നു. കുട്ടി ആണാണോ പെണ്ണാണോ എന്ന് ഡോക്ടര്‍മാര്‍ക്ക് പറയാന്‍ കഴിയാത്തതുകൊണ്ട് തനിക്ക് പെണ്‍കുഞ്ഞിനെയാണ് ഇഷ്ടമെന്നും പെണ്‍കുഞ്ഞാകാനാണ് ആഗ്രഹമെന്നും താന്‍ ഡോക്ടറോട് അങ്ങോട്ട് കയറി പറഞ്ഞുവെന്ന് സാന്ദ്ര പറയുന്നു.
