മുംബൈ: കഴിഞ്ഞ വര്‍ഷം പൂണൈയില്‍ നടന്ന സണ്‍ബേണ്‍ ഡി.ജെ പരിപാടിയില്‍ സ്‌ഫോടനം നടത്താന്‍ ഹിന്ദു സംഘടനയായ സാനാതന്‍ സാന്‍സ്ത സ്‌ഫോടനം നടത്താന്‍ പദ്ധതിയിട്ടതായി മഹാരാഷ്ട്ര ആന്റി ടെററിസം സ്‌ക്വാഡ്.
സനാതന്‍ സാന്‍സ്തയുടെ അഞ്ച് പ്രവര്‍ത്തകരെ പ്രത്യേക കോടതിയില്‍ ഹാജരാക്കിക്കൊണ്ടാണ് എ.ടി.എസ് ഇക്കാര്യം അറിയിച്ചത്. ഈ പ്രവര്‍ത്തകര്‍ ഇപ്പോള്‍ സംഘടനയിലില്ലെന്നും, സംഘടനാ പ്രവര്‍ത്തനം അവസാനിപ്പിച്ചു എന്നുമാണ് അവകാശപ്പെടുന്നത്.
കഴിഞ്ഞ മാസമാണ് ഇവര്‍ അഞ്ച് പേരേയും ആയുധങ്ങള്‍ കൈവശം വെച്ച കേസില്‍ അറസ്റ്റ് ചെയ്തത്.
വൈഭവ് റൗട്ട്, ശര്‍ദ് കലാസ്‌കര്‍, സുധാന്‍ വ ഗോന്ധലേകര്‍, ശ്രീകാന്ത പങ്കേക്കര്‍ എന്നീ അഞ്ച് പേരുടെ കസ്റ്റഡി കാലാവധി നീട്ടി നല്‍കാന്‍ എ.ടി.എസ് കോടതിയോട് അപേക്ഷിച്ചിട്ടുണ്ട്.
മുംബൈയിലെ കല്യാണ്‍ സിനിമാ ഹാളില്‍ പെട്രോള്‍ ബോംബ് എറിഞ്ഞ സംഭവത്തിന് പിന്നിലും ഈ അഞ്ച് പേരാണെന്ന് പൊലീസ് പറയുന്നുണ്ട്. പദ്മാവത് കാണിച്ചു എന്ന കാരണത്തിനാണ് സിനിമാ തീയേറ്റര്‍ ആക്രമിച്ചത്.
ALSO READ: പ്രളയത്തിനു കാരണം ഡാമുകള്‍ തുറന്നതല്ല: കനത്ത മഴയാണെന്ന് കേന്ദ്ര ജലകമ്മീഷന്‍
ഇവരുടെ കൈയ്യില്‍ നിന്നും പത്ത് പിസ്റ്റളുകള്‍, ഒരു എയര്‍ പിസ്റ്റല്‍, ഒരു നാടന്‍ തോക്ക്, 10 പിസ്റ്റല്‍ ബാരല്‍, ആറ് പിസ്റ്റല്‍ ബോഡിം ആറ് മാഗ്‌സിന്‍ തുടങ്ങിയവ പിടിച്ചെടുത്തതായി പൊലീസ് പറഞ്ഞു.