[]ന്യൂദല്‍ഹി: സാംസങ്ങിന്റെ ആന്‍ഡ്രോയിഡ് സ്മാര്‍ട്ട് വാച്ചായ ഗാലക്‌സി ഗിയറിന് 7700 രൂപയുടെ വിലക്കുറവ്.
കഴിഞ്ഞ സെപ്റ്റംബറില്‍ ഇന്ത്യന്‍ വിപണിയിലെത്തിയ ഈ സ്മാര്‍ട്ട് വാച്ചിന് 22990 രൂപയായിരുന്നു വിലയെങ്കില്‍ ഇപ്പോള്‍ വെറും 15290 നല്‍കിയാല്‍ മതി.
1.63 ഇഞ്ച് വലിപ്പത്തിലുള്ള സ്‌ക്രീനോടു കൂടിയ ഗാലക്‌സി ഗിയറിന് ഒരു സ്മാര്‍ട്ട് ഫോണിലേക്കെത്തുന്ന കാളുകളെയും മെസ്സേജുകളെയും സംബന്ധിച്ച് വിവരങ്ങള്‍ നല്‍കാനാവും.
ഫോണ്‍ കൈയ്യിലെടുക്കാതെ തന്നെ ഈ വാച്ച് ഉപയോഗിച്ച് കോള്‍ ചെയ്യാനാകും. ബേസിക് ക്യാമറയോടൊപ്പം സോഷ്യല്‍ നെറ്റ്‌വര്‍ക്കിങ സൈറ്റിന്റെ ആപ്പുകളും വാച്ചിലുണ്ടാകും.
സാംസങ്ങിന്റെ ഗാലക്‌സി നോട്ട് 3, നോട്ട് 2, എസ് 4, എസ് 4 മിനി, എസ് 3, ഗ്രാന്റ് 2, എസ് 4 സൂം മോഡലുകളുമായി ഗാലക്‌സി ഗിയര്‍ വാച്ച് സപ്പോര്‍ട്ട് ചെയ്യും.
നിലവില്‍ ആറു കളറുകളില്‍ ഗാലക്‌സി ഗിയര്‍ വാച്ച് ലഭ്യമാണ്.