ഇതിനകം ബി.ജെ.പി സ്ഥാനാര്‍ത്ഥിയേക്കാള്‍ 1,05,014 വോട്ടിന്റെ ലീഡ് നേടാന്‍ ഡിംപിള്‍ യാദവിനായി. തുടക്കം മുതല്‍ തന്നെ ഡിംപിളിന് ലീഡ് നിലനിര്‍ത്താനായിരുന്നു.
സമാജ് വാദി പാര്‍ട്ടി നേതാവ് മുലായം സിങ് യാദവിന്റെ വിയോഗത്തെ തുടര്‍ന്നാണ് മെയിന്‍പുരിയില്‍ ഉപതെരഞ്ഞെടുപ്പ് നടക്കുന്നത്.
നിയമസഭ ഉപതെരഞ്ഞെടുപ്പ് നടക്കുന്ന യു.പിയിലെ രാംപൂരിലും ഖതൗലിയിലും എസ്.പി, ആര്‍.എല്‍.ഡി സ്ഥാനാര്‍ത്ഥികള്‍ അയ്യായിരവും എട്ടായിരവും വോട്ടുകള്‍ക്ക് ലീഡ് ചെയ്യുകയാണ്.
ആസം ഖാന്‍ അയോഗ്യനായതോടെയാണ് രാംപൂരില്‍ തെരഞ്ഞെടുപ്പ് നടന്നത്. ബി.ജെ.പി നേതാവ് വിക്രം സിങ് സൈനി അയോഗ്യനായതോടെയാണ് ഖതൗലി ഖതൗലിയില്‍ തെരഞ്ഞെടുപ്പ് പ്രഖ്യാപിച്ചത്. രണ്ട് മണ്ഡലങ്ങളിലും ബി.ജെ.പിയാണ് രണ്ടാമത്.
അതേസമയം ആകെയുള്ള 182 സീറ്റില്‍ നിലവിലെ ലീഡ് നിലയില്‍ മുന്നേറിയാല്‍ ബി.ജെ.പി ചരിത്രത്തിലെ ഏറ്റവും വലിയ വിജയമാകും നേടുക. 154 സീറ്റുകളിലാണ് ബി.ജെ.പി നിലവില്‍ ലീഡ് ചെയ്യുന്നത്.
2002ല്‍ 127 സീറ്റുകളില്‍ വിജയിച്ച് സ്വന്തം റെക്കോഡ് തന്നെയാകും ബി.ജെ.പി ഇതിലൂടെ തിരുത്തുക. 2017ല്‍ 99 സീറ്റായിരുന്നു പാര്‍ട്ടിക്ക് ലഭിച്ചിരുന്നത്.
2024ലെ ലോക്സഭ തെരഞ്ഞെടുപ്പ് കൂടി മുന്നില്‍ കണ്ട് വമ്പന്‍ പ്രചാരണ പരിപാടികളായിരുന്നു സംസ്ഥാനത്ത് ബി.ജെ.പി നടത്തിയത്.
എന്നാല്‍, 1985ലെ ഗുജറാത്ത് തെരഞ്ഞെടുപ്പില്‍ 149 മണ്ഡലങ്ങളില്‍ വിജയിച്ചിരുന്ന സ്ഥാനത്ത് ഇപ്പോള്‍ 21 മണ്ഡലങ്ങളിലേക്ക് ലീഡ് ചുരുങ്ങിയിരിക്കുകയാണ് കോണ്‍ഗ്രസ്. അന്ന് ബി.ജെ.പിക്ക് 14 സീറ്റുകള്‍ മാത്രമാണ് ലഭിച്ചിരുന്നത്.
