നിങ്ങള്‍ പിടിക്കപ്പെടും, ഏറെ ബുദ്ധിമുട്ട് അനുഭവിക്കേണ്ടിയും വരും; രാധെയുടെ വ്യാജ പ്രിന്റ് കാണുന്നതില്‍ പ്രേക്ഷകര്‍ക്ക് മുന്നറിയിപ്പുമായി സല്‍മാന്‍ ഖാന്‍
എന്റര്‍ടെയിന്‍മെന്റ് ഡെസ്‌ക്
Sunday, 16th May 2021, 12:52 pm
സല്‍മാന്‍ ഖാന്‍ ചിത്രമായ രാധെ മെയ് 13നാണ് സീ5 ല്‍ റിലീസ് ആയത്. ചിത്രം പുറത്തിറങ്ങിയതിന് പിന്നാലെ ചില പൈറേറ്റഡ് വൈബ്‌സൈറ്റുകളിലൂടെ നിയമവിരുദ്ധമായി പ്രദര്‍ശിപ്പിക്കുന്നുണ്ട്.
ഇതിനെതിരെ സല്‍മാന്‍ ഖാന്‍ തന്നെ രംഗത്തെത്തിയിരിക്കുകയാണിപ്പോള്‍.
ദയവ് ചെയ്ത് പൈറസിയില്‍ ഏര്‍പ്പെടാതിരിക്കൂ എന്നും അത്തരത്തില്‍ സിനിമയുടെ പൈറേറ്റഡ് കോപ്പി അപ്‌ലോഡ് ചെയ്തവര്‍ക്കെതിരെ നിയമ നടപടി സ്വീകരിക്കുമെന്നും സല്‍മാന്‍ ഖാന്‍ മുന്നറിയിപ്പ് നല്‍കി. കഴിഞ്ഞദിവസം ട്വിറ്ററിലൂടെയായിരുന്നു അദ്ദേഹത്തിന്റെ പ്രതികരണം.
‘249 രൂപയ്ക്ക് രാധെ കാണാനുള്ള അവസരം ഞങ്ങള്‍ ഒരുക്കിതന്നിട്ടുണ്ട്. അല്ലാതെ പൈറേറ്റഡ് സൈറ്റുകള്‍ വഴി നിയമവിരുദ്ധമായി സിനിമ കാണുന്നത് വലിയ കുറ്റമാണ്, പൈറസിയില്‍ ഏര്‍പ്പെടാതിരിക്കൂ. അല്ലെങ്കില്‍ സൈബര്‍ സെല്‍ നിങ്ങള്‍ക്കെതിരെ തീര്‍ച്ചയായും നടപടി എടുത്തിരിക്കും.
