സല്‍മാന്‍ ഖാന്‍ - പ്രഭുദേവ ചിത്രം 'രാധേ' തിയേറ്ററുകളിലേക്ക്; റിലീസ് തിയ്യതി പ്രഖ്യാപിച്ചു
എന്റര്‍ടെയിന്‍മെന്റ് ഡെസ്‌ക്
Wednesday, 20th January 2021, 4:17 pm
മുംബൈ: സല്‍മാന്‍ ഖാനെ നായകനാക്കി പ്രഭുദേവ ഒരുക്കിയ പുതിയ ചിത്രം ‘രാധേ ദി മോസ്റ്റ് വാണ്ടഡ് ഭായ്’ റിലീസ് പ്രഖ്യാപിച്ചു. സല്‍മാന്‍ തന്നെയാണ് ട്വിറ്ററിലൂടെ റിലീസ് തിയ്യതി പ്രഖ്യാപിച്ചത്.
‘തിയറ്റര്‍ ഉടമകള്‍ കടന്നുപോകുന്ന സാമ്പത്തിക പ്രയാസങ്ങള്‍ ഞാന്‍ മനസിലാക്കുന്നു. രാധെ തിയറ്ററുകളില്‍ റിലീസ് ചെയ്യുന്നതിലൂടെ അവര്‍ക്ക് സഹായമാവാന്‍ ഞാന്‍ ആഗ്രഹിക്കുന്നുണ്ട്. രാധെ കാണാനായി തിയറ്ററിലേക്കെത്തുന്ന പ്രേക്ഷകര്‍ കൊവിഡിനെതിരെ പുലര്‍ത്തേണ്ട ശ്രദ്ധയും പ്രതിരോധ നടപടികളുമാണ് ഞാന്‍ ആഗ്രഹിക്കുന്നത് എന്നാണ് സല്‍മാന്‍ ചിത്രത്തിന്റെ റിലീസ് പ്രഖ്യാപിച്ച് കൊണ്ട് പറഞ്ഞത്.
