സല്‍മാന്‍ ഖാന് പാമ്പ് കടിയേറ്റു
എന്റര്‍ടെയിന്‍മെന്റ് ഡെസ്‌ക്
Sunday, 26th December 2021, 2:37 pm
മുംബൈ: ബോളിവുഡ് താരം സല്‍മാന്‍ ഖാന് പാമ്പ് കടിയേറ്റു. തന്റെ 56ാം പിറന്നാള്‍ ആഘോഷിക്കാനായി പനവേല്‍ ഫാം ഹൗസില്‍ എത്തിയതായിരുന്നു അദ്ദേഹം. പുലര്‍ച്ചെ 3:30 ഓടു കൂടിയായിരുന്നു പാമ്പ് കടിയേറ്റത്.
എന്നാല്‍ വിഷമില്ലാത്ത പാമ്പായതിനാല്‍ ആശങ്കപ്പെടേണ്ട സാഹചര്യമില്ലെന്ന് ഡോക്ടര്‍മാര്‍ അറിയിച്ചു. പാമ്പ് കടിയേറ്റ ഉടന്‍ തന്നെ അദ്ദേഹത്തെ അടുത്തുള്ള ആശുപത്രിയിലെത്തിച്ച് പ്രാഥമിക ചികിത്സ നല്‍കി. ഡിസ്ചാര്‍ജ് ചെയ്ത സല്‍മാന്‍ വീട്ടില്‍ വിശ്രമത്തിലാണ്.
