കൊവിഡ് മുന്നണിപ്പോരാളികള്‍ക്ക് ആയിരക്കണക്കിന് ഭക്ഷണപ്പൊതികള്‍ നല്‍കി സല്‍മാന്‍ ഖാന്‍; രുചിച്ച് നോക്കി ഉറപ്പുവരുത്തുന്ന നടന്റെ വീഡിയോ വൈറല്‍
എന്റര്‍ടെയിന്‍മെന്റ് ഡെസ്‌ക്
Monday, 26th April 2021, 12:21 pm
മുംബൈ: കൊവിഡ് മുന്നണിപ്പോരാളികള്‍ക്ക് ഭക്ഷണം വിതരണം ചെയ്ത് ബോളിവുഡ് നടന്‍ സല്‍മാന്‍ ഖാന്‍. മുംബൈയിലെ ആരോഗ്യപ്രവര്‍ത്തകര്‍ക്കും കൊവിഡ് പ്രതിരോധ പ്രവര്‍ത്തനങ്ങളില്‍ പങ്കാളികളായവര്‍ക്കുമാണ് 5000 ഭക്ഷണപ്പൊതികള്‍ സല്‍മാന്‍ ഖാന്‍ വിതരണം ചെയ്തത്.
ഞായറാഴ്ചയാണ് ഭക്ഷണ വിതരണം നടന്നത്. വിതരണം ചെയ്യാന്‍ വെച്ചിരുന്ന ഭക്ഷണത്തിന്റെ ഗുണനിലവാരം ഉറപ്പുവരുത്തുന്നതിനായി നടന്‍ ഭക്ഷണം രുചിച്ചു നോക്കുന്ന വീഡിയോ സോഷ്യല്‍ മീഡിയയില്‍ വൈറലാവുകയാണ്.
ശിവസേനയുട യുവജന വിഭാഗം നേതാവായ രാഹുല്‍ എന്‍. കണാലിനൊപ്പമാണ് സല്‍മാന്‍ ഖാന്‍ ഈ ഭക്ഷണ വിതരണ പദ്ധതി നടപ്പില്‍ വരുത്തിയത്. ശിവസേനയുടെ പ്രവര്‍ത്തകരാണ് മുംബൈ നഗരത്തിലെ വിവിധ ഭാഗങ്ങളിലെത്തി ഭക്ഷണ വിതരണം നടത്തിയത്.
