ബജ്‌രംഗി ഭായ്ജാന്‍ രണ്ടാം ഭാഗം വരുന്നു; തിരക്കഥ എഴുതുന്നത് രാജമൗലിയുടെ പിതാവ്
എന്റര്‍ടെയിന്‍മെന്റ് ഡെസ്‌ക്
Sunday, 19th December 2021, 11:55 pm
2015 ല്‍ പുറത്തിറങ്ങിയ സല്‍മാന്‍ ഖാന്റെ ഹിറ്റ് ചിത്രം ‘ബജ്‌രംഗി ഭായിജാന്റെ’ രണ്ടാം ഭാഗം വരുന്നു. ആര്‍.ആര്‍.ആര്‍ എന്ന ചിത്രത്തിന്റെ പ്രീ-റിലീസ് പ്രോഗ്രാമിനിടയിലാണ് തന്റെ ചിത്രത്തിന്റെ രണ്ടാം ഭാഗം സല്‍മാന്‍ പ്രഖ്യാപിച്ചത്. എസ്. എസ്. രാജമൗലിയുടെ പിതാവ് കെ. വി. വിജയേന്ദ്ര പ്രസാദാണ് രണ്ടാം ഭാഗം എഴുതുന്നത്.
കരണ്‍ ജോഹര്‍, എസ്. എസ്. രാജമൗലി, ജൂനിയര്‍ എന്‍.ടി.ആര്‍, രാം ചരണ്‍, ആലിയ ഭട്ട് എന്നിവര്‍ ചടങ്ങില്‍ പങ്കെടുത്തു. തന്റെ കരിയറിലെ ഏറ്റവും മികച്ച ചിത്രങ്ങളിലൊന്നാണ് രാജമൗലിയുടെ അച്ഛന്‍ തനിക്ക് നല്‍കിയതെന്ന് സല്‍മാന്‍ പറഞ്ഞു.
