മാലികില്‍ സലീം കുമാറിന്റെ ചെറുപ്പകാലം അവതരിപ്പിച്ചത് മകന്‍ ചന്തു; അച്ഛന്റെ ചെറുപ്പകാലം അവതരിപ്പിക്കുന്നത് ഇത് രണ്ടാം തവണ
എന്റര്‍ടെയിന്‍മെന്റ് ഡെസ്‌ക്
Monday, 19th July 2021, 12:05 pm
കൊച്ചി: മഹേഷ് നാരായണന്‍ ചിത്രം മാലികില്‍ സലീം കുമാറിന്റെ ചെറുപ്പകാലം അവതരിപ്പിച്ച് മകന്‍ ചന്തു. ചിത്രത്തിലെ മൂസാക്ക എന്ന സലീം കുമാര്‍ അവതരിപ്പിച്ച കഥാപാത്രത്തിന്റെ ചെറുപ്പകാലമാണ് മകന്‍ ചന്തു അവിസ്മരണീയമാക്കിയത്.
ഇത് രണ്ടാം തവണയാണ് ചന്തു അച്ഛന്റെ ചെറുപ്പകാലം അവതരിപ്പിക്കുന്നത്. നേരത്തെ മമ്മൂട്ടി ചിത്രം ലൗ ഇന്‍ സിംഗപ്പൂരില്‍ സലീം കുമാറിന്റെ ബാല്യകാലം അവതരിപ്പിച്ചതും ചന്തുവായിരുന്നു.
ചിത്രത്തിലെ മറ്റൊരു പ്രധാനകഥാപാത്രത്തെ അവതരിപ്പിച്ച നടി ജലജയുടെ ചെറുപ്പകാലം അവതരിപ്പിച്ചതും മകളായിരുന്നു. ഫഹദിന്റെ ഉമ്മയായ ജമീലയുടെ ചെറുപ്പക്കാലമാണ് ജലജയുടെ മകളായ ദേവി അവതരിപ്പിച്ചത്.
View this post on Instagram
ചെറുപ്രായത്തില്‍ ഭര്‍ത്താവിനെ നഷ്ടപ്പെട്ട ശേഷം രണ്ട് മക്കളെയും സ്വന്തം അധ്വാനത്തിലൂടെ വളര്‍ത്തിക്കൊണ്ടുവരുന്ന അധ്യാപികയുടെ കഥാപാത്രമാണ് മാലികില്‍ ജലജയുടേത്.
