അന്നേരം മോദിജി പി.ആര്‍ ഫോട്ടോഷൂട്ടിലായിരുന്നു; 261 ഇന്ത്യക്കാരുടെ രക്തം ബി.ജെ.പിയുടെ കൈകളിലുണ്ട്: സാകേത് ഖോകലെ
ഡൂള്‍ന്യൂസ് ഡെസ്‌ക്
Saturday, 3rd June 2023, 6:40 pm
കൊല്‍ക്കത്ത: 261 ഇന്ത്യക്കാരുടെ രക്തം ബി.ജെ.പിയുടെയും പ്രധാനമന്ത്രി നരേന്ദ്ര മോദിയുടെയും കൈകളിലുണ്ടെന്ന് തൃണമൂല്‍ കോണ്‍ഗ്രസ് നേതാവ് സാകേത് ഖോകലെ. 2011-12ല്‍ അന്നത്തെ റെയില്‍വേ മന്ത്രിയായിരുന്ന മമത ബാനര്‍ജിയുടെ കീഴില്‍ വികസിപ്പിച്ചെടുത്ത ആന്റി കൊളീഷന്‍ ടെക്‌നോളജിയായ ട്രെയിന്‍ കൊളിഷന്‍ അവോയ്ഡന്‍സ് സിസ്റ്റം (TCAS) മോദി സര്‍ക്കാര്‍ അധികാരത്തില്‍ വന്ന ശേഷം പാടെ അവഗണിച്ചുവെന്നും സാകേത് പറയുന്നു.
റെയില്‍വേ ആന്റി കൊളീഷന്‍ സാങ്കേതിക വിദ്യയെ കുറ്റകരമായി അവഗണിക്കുന്ന മോദി സര്‍ക്കാരിനെ കുറിച്ചുള്ള ഞെട്ടിക്കുന്ന വസ്തുതകള്‍ എന്ന തലക്കെട്ടോടെയാണ് സാകേത് ഈ ട്വീറ്റ് പങ്കുവെച്ചത്. ഈ സാങ്കേതിക വിദ്യയെ മോദി കവച് എന്ന പേരില്‍ പുനര്‍നാമകരണം ചെയ്ത് അവതരിപ്പിച്ചെങ്കിലും മൊത്തം റെയില്‍വേ റൂട്ടുകളുടെ രണ്ട് ശതമാനം മാത്രമാണ് ഇതുവരെ കൊണ്ടുവന്നിട്ടുള്ളത്.
