നാന്‍ജിംഗ്: ലോകബാഡ്മിന്റണ്‍ ചാമ്പ്യന്‍ഷിപ്പില്‍ ഇന്ത്യയുടെ സൈനാ നേഹ്‌വാള്‍ മൂന്നാം റൗണ്ടില്‍. തുര്‍ക്കിയുടെ അലിയ ഡെമിര്‍ബാഗിനെയാണ് സൈനയുടെ വിജയം. നേരിട്ടുള്ള സെറ്റുകള്‍ക്കാണ് സൈന, എതിരാളിക്ക് മടക്കടിക്കറ്റ് നല്‍കിയത്. സ്‌കോര്‍ 21-17, 21-8.
വെറും 39 മിനിറ്റില്‍ ഏകപക്ഷീയമായാണ് സൈനയുടെ വിജയം. മൂന്നാം റൗണ്ടില്‍ തായ്‌ലാന്റിന്റെ രത്ചനോക്ക് ഇന്തനോനാണ് സൈനയുടെ എതിരാളി.
പുരുഷവിഭാഗം സിംഗിള്‍സില്‍ ശ്രീകാന്ത് രണ്ടാം റൗണ്ടിലെത്തിയിട്ടുണ്ട്. അയര്‍ലന്‍ഡിന്റെ എന്‍ഹാറ്റ് എന്‍ഗ്യുയെന്നിനെ നേരിട്ടുള്ള ഗെയിമുകള്‍ക്കാണ് അഞ്ചാം സീഡായ ശ്രീകാന്ത് തോല്‍പിച്ചത്. സ്‌കോര്‍: 21-15, 21-16.
രണ്ടാം റൗണ്ടില്‍ സ്‌പെയിനിന്റെ പാബ്ലോ അബിയാനാണ് ശ്രീകാന്തിന്റെ എതിരാളി.
അതേസമയം മിക്‌സഡ് ഡബിള്‍സില്‍ ഇന്ത്യയുടെ പ്രണവ് ചോപ്ര-സിക്കി റെഡ്ഡി സഖ്യം ഇന്തോനേഷ്യയുടെ ഹാഫിസ് ഫൈസല്‍-ഗ്ലോറിയ ഇമ്മാനുവല്‍ വിഡ്ജാ സഖ്യത്തോട് പരാജയപ്പെട്ടു.
WATCH THIS VIDEO: