ആ നടന്മാരുടെ അച്ഛന്‍ വേഷം ചെയ്യാന്‍ കഴിഞ്ഞു എന്നതുതന്നെയാണ് എന്റെ മഹാഭാഗ്യം: സായി കുമാര്‍
എന്റര്‍ടെയിന്‍മെന്റ് ഡെസ്‌ക്
Saturday, 26th October 2024, 2:21 pm
റാംജി റാവു സ്പീക്കിങ് എന്ന ചിത്രത്തിലൂടെ സിനിമ ജീവിതം ആരംഭിച്ച താരമാണ് സായ് കുമാര്‍. തുടര്‍ന്ന് നിരവധി വേഷങ്ങളിലൂടെ പ്രേക്ഷകരെ വിസ്മയിപ്പിച്ച അദ്ദേഹം രാജമാണിക്യം എന്ന സിനിമയില്‍ മമ്മൂട്ടിയുടെ അച്ഛന്‍ സ്ഥാനത്തുള്ള കഥാപാത്രമായും ഛോട്ടാ മുംബൈ എന്ന ചിത്രത്തില്‍ മോഹന്‍ലാലിന്റെ അച്ഛനായും അഭിനയിച്ചിട്ടുണ്ട്.
സിനിമയില്‍ നമുക്ക് ഏത് കഥാപാത്രങ്ങളും ചെയ്യാമെന്ന് പറയുകയാണ് സായി കുമാര്‍ പറയുന്നു. മേക്കപ്പൊക്കെ ഇട്ടിരിക്കുന്നത് കണ്ടാല്‍ എല്ലാവര്‍ക്കും ഉള്ളതിനേക്കാള്‍ കൂടുതല്‍ പ്രായം തോന്നുമെന്നും മോഹന്‍ലാലിന്റെയും മമ്മൂട്ടിയുടേയും ഒപ്പം താന്‍ അച്ഛന്‍ വേഷങ്ങള്‍ ചെയ്തിട്ടുണ്ടെന്നും അദ്ദേഹം കൂട്ടിച്ചേര്‍ത്തു. റെഡ് എഫ്.എം മലയാളത്തിന് നല്‍കിയ അഭിമുഖത്തില്‍ സംസാരിക്കുകയായിരുന്നു സായി കുമാര്‍.
