ബയേണ്‍ മ്യൂണിക്കിന്റെ സെനഗല്‍ സൂപ്പര്‍താരം സാദിയോ മാനെ തന്റെ സഹതാരമായ ലിറോയ് സാനെയുടെ മുഖത്തടിച്ചുവെന്ന വാര്‍ത്ത കഴിഞ്ഞ ദിവസങ്ങളില്‍ വ്യാപകമായി പ്രചരിച്ചിരുന്നു. മാനെയില്‍ നിന്ന് അടിയേറ്റ സാനെയുടെ ചുണ്ട് പൊട്ടി രക്തമൊലിക്കുന്ന വീഡിയോ സമൂഹ മാധ്യമങ്ങളിലും പ്രചരിച്ചിരുന്നു. ചാമ്പ്യന്‍സ് ലീഗില്‍ മാഞ്ചസ്റ്റര്‍ സിറ്റിക്കെതിരെ നടന്ന മത്സരത്തിന് പിന്നാലെയാണ് ബയേണ്‍ മ്യൂണിക്ക് താരങ്ങള്‍ക്കിടയില്‍ നാടകീയ രംഗങ്ങള്‍ അരങ്ങേറിയത്.
സംഭവത്തെ തുടര്‍ന്ന് മാനെയെ ബയേണ്‍ മ്യൂണിക്കില്‍ നിന്ന് സസ്‌പെന്‍ഡ് ചെയ്തുകൊണ്ടുള്ള പ്രസ്താവന പുറത്തുവരികയായിരുന്നു. ശനിയാഴ്ച നടക്കുന്ന മത്സരത്തില്‍ എഫ്.സി ബയേണിന്റെ സ്‌ക്വാഡില്‍ സാദിയോ മാനെയെ ഉള്‍പ്പെടുത്തിയിട്ടില്ലെന്നും സംഭവത്തിന്റെ പ്രത്യാഘാതം മനസിലാക്കി താരം പിഴ ചുമത്തേണ്ടി വരുമെന്നും ബയേണ്‍ മ്യൂണിക്ക് പുറത്തുവിട്ട പ്രസ്താവനയില്‍ പറയുന്നു.
🚨 Bayern have suspended Sadio Mané for the next game — he won’t be in the squad vs Hoffenheim and will also be fined.
This happens due to his fight with Leroy Sané after City game when he punched Sané in his face in dressing room after having an argument during the match. pic.twitter.com/HUTkr3rwQV
— Fabrizio Romano (@FabrizioRomano) April 13, 2023
