ന്യൂദല്‍ഹി: തെരഞ്ഞെടുപ്പ് ഫലം പുറത്തു വരുന്നതു വരെ മൗന വ്രതം ആചരിക്കുമെന്ന് മലേഗാവ് സ്‌ഫോടനക്കേസിലെ മുഖ്യ പ്രതിയും ബി.ജെ.പി സ്ഥാനാര്‍ഥിയുമായ പ്രജ്ഞ സിങ് ഠാക്കൂര്‍. ഗോഡ്സയെ പ്രകീര്‍ത്തിച്ചു കൊണ്ട് പ്രജ്ഞ നടത്തിയ പ്രസ്താവന ബി.ജെ.പിയെ പ്രതിസന്ധിയിലാക്കിയതിന് തൊട്ടു പിന്നാലെയാണ് പുതിയ തീരുമാനം. മൂന്ന് ദിവസത്തെ വ്രതമാണ് പ്രജ്ഞ ആചരിക്കുക.
ഗാന്ധി ഘാതകനെ രാജ്യസ്‌നേഹി എന്ന് വിശേഷിപ്പിച്ച പ്രജ്ഞയ്ക്ക്, കനത്ത സമ്മര്‍ദത്തെ തുടര്‍ന്ന് മാപ്പ് പറയേണ്ടി വന്നിരുന്നു. ട്വിറ്ററിലൂടെയാണ് പ്രജ്ഞ മൗന വ്രതമെടുക്കാനുള്ള തീരുമാനം അറിയിച്ചത്.
चुनावी प्रक्रियाओ के उपरान्त अब समय है चिंतन मनन का,
इस दौरान मेरे शब्दों से समस्त देशभक्तों को यदि ठेस पहुंची है तो मैं क्षमा प्रार्थी हूँ और सार्वजनिक जीवन की मर्यादा के अंतर्गत प्रयश्चित हेतु 21 प्रहर के मौन व कठोर तपस्यारत हो रही हूं।
हरिः ॐ— Sadhvi Pragya Official (@SadhviPragya_MP) May 20, 2019
പ്രജ്ഞാ സിങിന്റെ പ്രസ്താവനയെ പ്രധാനമന്ത്രിയും തള്ളിക്കളഞ്ഞിരുന്നു. അവരെ ഭോപ്പാലിലെ ബി.ജെ.പി സ്ഥാനാര്‍ത്ഥിയാക്കിയത് താനാണെങ്കിലും മഹാത്മാ ഗാന്ധിയെ അവഹേളിച്ചതിന് പ്രജ്ഞാ സിങ് ഠാക്കൂറിനോട് തനിക്ക് ഒരിക്കലും ക്ഷമിക്കാന്‍ കഴിയില്ലെന്നാണ് മോദി പറഞ്ഞത്.
