[]ന്യൂദല്‍ഹി: ഇന്ത്യന്‍ ക്രിക്കറ്റില്‍ വാതുവെപ്പ് വിവാദം കത്തിനില്‍ക്കുന്നതിനിടയിലും മൗനം അവലംബിച്ചിരിക്കുകയായിരുന്നു നമ്മുടെ ക്രിക്കറ്റ് താരങ്ങള്‍. കഴിഞ്ഞ ദിവസം ക്യാപ്റ്റന്‍ ധോണി പറഞ്ഞ്ത വാതുവെയ്പ്പുമായ കാര്യങ്ങളൊന്നും ചോദിക്കരുത് എന്നാണ്.
വിവാദങ്ങളില്‍ നിന്ന് കൃത്യമായ അകലം സൂക്ഷിക്കാന്‍ താരങ്ങള്‍ ശ്രദ്ധിക്കുന്നുണ്ടെന്ന് വ്യക്തം. വാതുവെപ്പില്‍ മുതിര്‍ന്ന താരങ്ങള്‍ക്കും പങ്കുണ്ടെന്ന് അറസ്റ്റിലായ ശ്രീശാന്ത് വ്യക്തമാക്കിയതും മറ്റ് താരങ്ങളുടെ നില പരുങ്ങലിലാക്കിയിരുന്നു.[]
എന്നാല്‍ ഇത്രനാളും അവലംബിച്ച മൗനം ഇന്ന് വെടിഞ്ഞിരിക്കുകയാണ് മാസ്റ്റര്‍ ബ്ലാസ്റ്റര്‍ സച്ചിന്‍ ടെണ്ടുല്‍ക്കര്‍.
വാതുവെപ്പില്‍ ഇതുവരെ പുറത്ത് വന്ന വാര്‍ത്തകള്‍ ഞെട്ടിപ്പിക്കുന്നതാണെന്നാണ് സച്ചിന്‍ പറയുന്നത്. ക്രിക്കറ്റിനെ കുറിച്ചുള്ള മോശം വാര്‍ത്തകള്‍ വാര്‍ത്തകളില്‍ വരുന്നത് വേദനിപ്പിക്കുന്നതാണെന്നും താരം പറഞ്ഞു.
വാതുവെപ്പുമായി ബന്ധപ്പെട്ട് യാതൊരു പരാമര്‍ശവും നടത്താന്‍ താരങ്ങള്‍ തയ്യാറായിരുന്നില്ല. ശരിയായ സമയത്ത് പറയേണ്ടത് പറയും എന്ന നിലപാടാണ് മിക്കവാറും താരങ്ങള്‍ പറഞ്ഞത്. അതിനിടയിലാണ് സച്ചിന്റെ പ്രതികരണം.